Concello de Verín

A Coordinadora Galega de ONGD (CGONGD) abordará o traballo que desenvolven as organizacións non gobernamentais galegas ou con sede en Galicia no encontro dixital #Alén2015 do presente mes, que terá lugar este venres 26 de setembro, entre as 12 e as 14 horas, nos perfís de Facebook (facebook.com/fondogalego) e Twitter (@FondoGalego) do Fondo Galego de Cooperación e Solidariedade. Pablo Rodríguez, membro da Comisión de Incidencia da CGONGD e coordinador rexional en Galicia da Fundación Entreculturas, representará a asociación, integrada por 43 organizacións, co obxectivo de dar a coñecer a actividade destas entidades, tanto no eido autonómico como no Sur.

Durante o mes de outubro, a aula Multimedia do Concello de Verín ofertará nove accións formativas para os/as usuarios/as interesados en ampliar os seus coñecementos no sector da comunicación e novas tecnoloxías.

A Piscina Climatizada de Verín conta cunha nova sala aeróbica e outra de spinning destinadas a ofertar un maior número de actividades deportivas durante a tempada 2014-2015.

A Tropa de Trapo continúa mañá mércores en Verín a xira dos contos creados para o Fondo Galego de Cooperación e Solidariedade. Como socio desta entidade, o Concello de Verín levará o espectáculo ‘Antía, Wamba e o regato pequeno’ ao Colexio María Inmaculada a partir das 12 horas.

O complexo deportivo de A Granxa de Verín acolle mañá sábado 20 de setembro, ás 17.30 horas, a realización do “Sorteo solidario por Valeria”, enmarcado dentro da campaña 'Tu sonrisa mueve mi corazón', realizada co obxecto de axudar no tratamento de rehabilitación neurolóxica de Valeria De Dios, unha pequena verinense de catro anos que padece unha ataxia cerebelosa non filiada.