Concello de Verín

Na xornada de mañá 29 de agosto, o servizo da Ludoteca de Verán - Campamento Urbano do Concello de Verín e Cruz Vermella Monterrei promoven a actividade 'Xogos Romanos', destinada aos/ás menores participantes neste servizo, en concreto, aos que teñen idades comprendidas entre os 5 e 11 anos.

Na xornada do sábado 30 de agosto, o persoal da Biblioteca Pública Municipal de Verín promove unha actividade de convivencia, destinada aos/ás voluntarios/as do servizo da Bibliopiscina.

A intérprete, tradutora e escritora María Reimóndez estará nas redes sociais do Fondo Galego de Cooperación e Solidariedade o vindeiro venres 29 de agosto para falar sobre a filosofía e proxectos de Implicadas no Desenvolvemento, amais de ofrecer unha visión crítica do sistema de cooperación internacional, dende unha perspectiva feminista e colectiva.

Do 02 ao 16 de setembro, a Sala de Exposicións de Verín acollerá a mostra 'Talla: Arte  e Oficio', que presenta obras realizadas polo alumnado de Talla das Aulas de Especialización da Escola de Artes e Oficios de Verín.

Unha expedición de cincuenta nenos/as, con idades comprendidas entre os 9 e 15 anos, participan desde hoxe ao sábado 30 de agosto no campamento do Parque Natural do Invernadeiro 2014.