Concello de Verín

A área de Servizos Sociais do Concello de Verín promove, con motivo do Día Mundial do Alzheimer (21 de setembro), o concurso 'Dona un Recordo', co obxecto de concienciar sobre esta enfermidade progresiva que afecta a aproximadamente 22 millóns de persoas en todo o mundo, e que unha das principais causas de mortalidade entre os adultos, despois de enfermidades cardíacas, cáncer e apoplexía.

Vinte alumnos/as, a maioría mozos/as residentes no territorio da Eurocidade Chaves-Verín, iniciaron esta semana un curso de español de nivel 2, na sede da Eurocidade, que se prolongará durante todo o mes de setembro.

A Eurocidade da Auga Chaves-Verín foi protagonista da edición do pasado día 24 de agosto do programa “Descúbreme”. Neste programa, que se transmite na TVG todos os domingos ás 22 horas, os/as espectadores poden percorrer Galicia para encontrar tesouros que ata o de agora pasaban desapercibidos para a maioría, que van desde monumentos a pratos típicos da Galicia. Na edición adicada á Eurocidade da Auga, o presentador cruzou a fronteira para presentar Chaves, como se de un territorio galego se tratase, e deu a coñecer as dúas localidades veciñas, que manteñen unha relación tan fluída coma propia auga, constituíndo en conxunto unha cidade europea: a Eurocidade Chaves-Verín.

Axudas para contratar internet vía satélite (Plan de banda larga da Xunta de Galicia). Amplíase o prazo ata o 30 de setembro.

Na xornada de mañá 29 de agosto, o servizo da Ludoteca de Verán - Campamento Urbano do Concello de Verín e Cruz Vermella Monterrei promoven a actividade 'Xogos Romanos', destinada aos/ás menores participantes neste servizo, en concreto, aos que teñen idades comprendidas entre os 5 e 11 anos.