Concello de Verín

O alcalde de Verín, Gerardo Seoane, visitou esta semana Bruxelas como membro dunha delegación composta por unha vintena de alcaldes, e concelleiros socialistas  para coñecer de primeira man liñas de financiamento europeas dispoñibles para impulsar o desenvolvemento local. Trátase dunha delegación convidada polo eurodeputado socialista Xosé Branco, que considera de máximo interese para as novas corporacións locais tomar contacto coas institucións europeas para coñecer aqueles programas de financiamento dispoñibles para o desenvolvemento local.

O Concello de Verín acolleu unha reunión da Xunta Local de Seguridade, co-presidida polo subdelegado do Goberno en Ourense, Roberto Castro García, e a concelleira de Tráfico, Seguridade Cidadá e Protección Civil do concello de Verín, Cándida Couñago Lara e na que participaron membros das  Forzas e Corpos de Seguridade do Estado e da Policía Local.

Esta maña, o tenente de alcalde, Diego Lourenzo, e a concelleira da área de Tráfico, Seguridade Cidadá e Protección Civil, Cándida Couñago, presentaron na casa consistorial o Plan de Autoprotección para o Entroido 2016.

O vindeiro sábado día 30, a Residencia Santa María, celebrará o seu CORREDOIRO DOS MAIORES, festa de disfraces organizada pola Residencia de Anciáns Santa María coa colaboración do Concello de Verín, que estará amenizada polo Grupo Instrumental do Conservatorio Elemental de Música de Verín.

O sábado 30 de xaneiro, ás 16:30 horas, o Salón de Actos da Casa da Cultura de Verín acollerá a conferencia “Viriato: por el camino de su historia”, a cargo do historiador Federico Justo Méndez organizada polo “Forum Galaico Transmontano” coa colaboración do Concello de Verín.