Concello de Verín

Esta mañá, o porteiro celeste Sergio Álvarez acudiu ao pavillón da Granxa  para visitar aos nenos das escolas deportivas de Verín. O xogador tivo ademais a oportunidade de visitar, acompañado do alcalde de Verín, Gerardo Seoane, e do director de márketing de Augas de Cabreiroá, Elisardo Domínguez, o manantial de Cabreiroá e de saudar aos seus empregados.

O pasado sábado 19 os departamentos de Educación Familiar e Servizos Sociais do Concello de Verín, fixeron entrega das Postais Solidarias elaboradas polos alumnos dos centros de ensino de Verín aos maiores da Residencia de Anciáns Santa María. Nesta ocasión, un menor voluntario partecente o conservatorio, en representación de toda infancia de Verín, entregou as postais solidarias interxeracionais ás persoas maiores residentes.

Os vindeiros días 19 e 20 de decembro  a Praza do Concello acollerá a primeira edición súa Feira de Nadal.

Os pasados 14 e 15 de decembro finalizou o proxecto, organizado polo Concello de Verín, "Cando xogo contigo" coa visita dos menores de 5º de Primaria do C.E.I.P Princesa de España de Verín ao asilo.

Dende o luns 21 de decembro e ata o 05 de xaneiro, o Concello de Verín e a Asociación de Empresarios de Verín (AEVER-CCU Verín) promoven a oitava edición de 'Ludonadal', unha ludoteca destinada a estas datas e dirixida a nenos/as con idades comprendidas entre os 3 e 10 anos, co obxecto de promocionar económicamente o comercio tradicional na localidade, facilitar a conciliación dos pais e nais e proporcionar aos/ás nenos/as un espazo de lecer durante as vacacións de Nadal.