Concello de Verín

Mañá 4 de febreiro, Xoves de Comadres,realizaranse as seguintes actividades:

A Casa da Cultura de Verín acolle mañá por tarde, ás 20,00 horas, unha nova edición do Foro La Región. Baixo o título ¿Sabe vostede que o Entroido é unha celebración funeraria?, o antropólogo Manuel Mandianes expoñerá os seus bastos coñecementos sobre unha celebración que, en contra do que cabería esperar, ten moita conexión co máis aló.

Tres estudantes de enxeñería informática da Universidade de Santiago de Compostela, desenvolveron unha aplicación para o Entroido de Verín co apoio do GDG Santiago (Grupo de Desarrolladores de Google de Santiago, http://www.gdgsantiago.com ) e coa colaboración do Concello de Verín.

Desde o Concello de Verín  lembramos que o prazo de inscrición de carrozas e comparsas que desexen participar no desfile do Entroido de Verín remata o vindeiro xoves día 4 de febreiro ás 18:00 horas.

 Así mesmo, este mércores 3 de febreiro, ás 20:00 horas, realizarase unha reunión informativa, destinada aos participantes no desfile, no salón de audiovisuais da Sala de Exposicións de Verín

Na xornada de mañá e o domingo continuará o ciclo do Entroido coa celebración do Sábado e Domingo de Corredoiro en Verín, con actividades aptas para todos os públicos.