Concello de Verín

Os departamentos de Educación Familiar e Servizos Sociais do Concello de Verín organizan a iniciativa “Postais Solidarias Interxeracionais”. Devandita actividade está destinada a achegarlle aos maiores de centros residenciais e os atendidos dende Axuda no Fogar do Concello de Verín postais, con mensaxes de afecto e cariño, deseñados por nenos/as de diversos centros educativos da comarca.

A rúa Canella Cega xa conta coas primeiras árbores da fase inicial do Plan de Rehumanización das Rúas de Verín.

Nesta primeira fase plantaranse máis de 200 árbores, instalaranse alcorques para os elementos vexetais e redefiniranse as prazas de aparcamento nas rúas Canella Cega, Irmáns Moreno e Deputación.

Esta maña, de 10:15 a 13:00 horas,  15 mulleres participaron no “Curso de Defensa Persoal Feminina”, impartido por David Cabreira (KME) e organizado desde a área de Igualdade do Concello de Verín, que tivo lugar no Pavillón Municipal de Deportes de Verín.

O 20 de novembro, o Concello de Verín celebrou o Día Universal da Infancia organizando un Pleno Infantil participativo na Casa da Cultura, cos alumnos de sexto de primaria dos centros de ensino CEIP Princesa de España, CEIP Amaro Refojo, Centro de ensino María Inmaculada e Centro de ensino Mercedarios, co obxectivo de recordar á cidadanía que é o colectivo máis vulnerable e polo tanto o que máis sofre a crise e os problemas do mundo.