Concello de Verín

O Concello de Verín, no marco da REDE EMPRENDE EN IGUALDADE, foi seleccionado para levar a cabo, durante os días 9,10,11,12 e 13 de novembro, unhas xornadas formativas para mellorar, mediante o uso das novas tecnoloxías, as capacidades de emprendemento e busca de emprego feminino.

Abstrarte é unha mostra de pinturas nas que a abstracción é predominante e coa que a artista Patricia Fernández Paz se presenta en Verín. A Sala de Exposicións de Verín acollerá até o día 31 as obras desta  artista lucense afincada en Ourense. A mostra estará aberta ao público de luns a venres das 17 h ás 21 h, e os sábados das 10 ás 14 h e das 17 ás 20:30 h.

O Operativo Especial de Limpeza, formado por persoal e estrutura do propio Concello, xa está a traballar nas rúas de Verín

O dispositivo, dirixido polo Concelleiro de Servizos públicos, Julio Vieitez, comezou a traballar no Casco Vello e a partir de aí, irase estendendo ao resto da vila.

Hoxe, ás 19:30 horas, a Biblioteca Pública Municipal do Concello de Verín acollerá a conferencia Do Dr. Manuel Mandianes, “A Traxedia Da Emigración”.

O tenente de alcalde, Diego Lourenzo, participou onte, na Casa da Cultura, xunto co  Conselleiro de Economía, Emprego e Industria, Francisco Conde, nunha xornada de networking con empresarios de Verín co obxectivo de avaliar iniciativas conxuntas para continuar a potenciar a competitividade empresarial no municipio ourensán.