Concello de Verín

O Concello de Verín , a través da concelleira de Turismo, Purificación Caldelas, realizou un balance dos resultados da Primeira edición da Feira de Outono de Verín que se celebrou, durante os días 14 e 15 de novembro, na Praza Maior. “Baseándonos no cuestionario realizado polo Concello de Verín aos expositores participantes na Primeira Feira de Outono, o resultado é que a totalidade dos enquisados (20 dos 23 postos expositores)  están moi satisfeitos coas vendas, e a promoción que a mesma aportou o seu negocio, e volverían participar no evento” explicou Caldelas.

O domingo día 22 ás 19:00 horas da tarde, unha película francesa de éxito clasura na Casa da Cultura de Verín o ciclo Cinemas de Galicia 2015.

O vindeiro sábado 21, ás 18:00 horas, terá lugar na casa da Cultura o tradicional Concerto de Santa Icía, interpretado polo  alumnado do Conservatorio Elemental de Música de Verín.

O derrube de tres inmobles ruinosos na rúa Espido completa a primeira fase das actuacións de salubridade urbanística de Verín.

Esta actuación ven a sumarse a outras dúas na Travesía de Sousas e na rúa da Muralla.

Próximamente, o Plan de Salubridade Urbanística estenderase a outras zonas de Verín.

A Biblioteca Pública Municipal de Verín recibiu unha carta de felicitación de D. Darío Villanueva, Director da Real Academia da Lingua, na que manifesta a súa felicitación máis sincera e a súa gratitude por “la magnifica labor que la Biblioteca Pública Municipal de Verín viene realizando para la promoción de la lectura y la actividad solidaria de voluntarios jóvenes”.