Concello de Verín

Durante os días 27 e 28 e 29  de maio , o cinema municipal de Verín acolle a proxección das películas Los cinco y El secreto de la piramide e Toro no Salón de Actos da Casa da Cultura nos seguintes pases:

O Concello de Verín prepara un plan de universalización para dar cobertura total a todos os seus maiores dependentes, cubrindo a porcentaxe da lista de demandantes que non sosteñen as axudas da Xunta. En total, esta medida permitirá atender na casa  a preto dun cento de veciños con grado 1,2 ou 3 de dependencia. O concelleiro de Servizos Sociais, José Luis Martín, sinala esta medida como "un esforzo necesario para cos nosos maiores, un xesto de que nestes tempos de recortes e conxelacións, hai cousas que están por riba de todo, como a solidariedade interxeneracional".

O vindeiro 24 de maio, de 16:30 a 20:30 horas, impartirase no Salón de Actos da Casa da Cultura o  obradoiro Sinais de alarma nos trastornos do comportamento alimentario, unha charla-taller sobre os trastornos na alimentación, organizado pola Escola Galega de Saúde en colaboración co departamento servizos sociais do Concello   de Verín (Inclusión Social, poboación inmigrante de Verín).

O Concello de Verín aborda estes días a III Fase do seu Plan de Humanización da vila, cunha ducia de actuacións en rúas, beirarrúas, viais peonis do Casco Histórico e estradas nacionais co obxectivo único de recuperar e modernizar os espazos da vila para os veciños, dinamizar a economía local e revitalizar a actividade nos espazos comúns desta localidade, a segunda máis importante da provincia.

A Consellería de Medio Ambiente e Ordenación do Territorio, a través de Augas de Galicia, entregou hoxe ao concello de Verín as obras de mellora da rede de saneamento da localidade, nas que o Goberno galego investiu máis de 630.000 euros.