Concello de Verín

Esta mañá presentouse na casa consistorial verinesa a programación que a área de Cultura do Concello de Verín preparou para o mes de xuño. A concelleira de Cultura , Emilia Somoza, e o Tenente de Alcalde, Diego Lourenzo,  foron os encargados de esbozar as liñas xerais do groso da devandita programación, na que destacan a obra de teatro O principio de Arquímedes, que terá lugar o 11 de xuño no Auditorio Municipal, e a Noite Máxica Celta, que se desenvolverá na Praza Maior, a noite de San Xoán, 23 de xuño.

O principio de Arquímedes, obra da compañía de Teatro do Atlántico que arrasou na entrega dos premios de teatro María Casares 2016, representarase no Auditorio Municipal o vindeiro sábado 11 de xuño, ás 21:00 horas. Así o indicaron esta mañá ante os medios a concelleira de Cultura, Emilia Somoza e o tenente de alcande do Concello de Verín, Diego Lourenzo.

O grupo de goberno acaba de por en funcionamento a primeira “Zona de Aparcadoiro Libre” das oito previstas para descolapsar o estacionamento das rúas da nosa vila, concretamente entre as rúas Juan Guerra Valdés e a Canella Cega, que pasará a denominarse “Zona de Aparcadoiro Libre núm. 1”. Estas zonas alternativas e disuasorias están pensadas para alixeirar a presión do tránsito viario no centro de Verín, así como para facilitar o acceso dos cidadáns ós servizos públicos e ó comercio local.

O vindeiro 4 de xuño, ás 17:00 horas, terá lugar o Concerto de Música Solidaria a favor de Cáritas Verín na Igrexa Parroquial de Verín.

O vindeiro sábado 4 de xuño, ás 20:30 horas, a Igrexa da Mercé acolle o concerto “Lémbrame un soño” do cuarteto feminino Lulavai, organizado polo Concello de Verín coa colaboración da Comunidade Mercedaria de Verín e AGADIC-Consellería de Cultura, Educación  e Ordenación Universistaria.