Concello de Verín

Raúl Vega Pazos (10 anos), alumno de cuarto de Educación Primaria do CEIP Amaro Refojo, alcanzou o cuarto posto, entre os 24.075 participantes na súa categoría, nos Campionatos escolares superTmatik de calculo mental.

O Agrupamento Europeo de Cooperación Territorial (AECT) Eurocidade Chaves-Verín, seguindo coa súa estratexia de promoción exterior do primeiro destino transfronteirizo da península ibérica que conforman o alto Támega e a mancomunidade Verín-Monterrei, promocionará gratuitamente o destino “Visit Chaves-Verín, a eurocidade da auga” no Rock In Río | Lisboa nos próximos días  26, 27 e 28 de Maio, grazas a cooperación coa CM de Chaves e o Turismo Porto e Norte.

A Sala de Exposicións de Verín acolle, do 28 de maio ao 14 de xuño, a mostra de fotografías nocturnas Bajo el Cielo de Sanabria de Daniel Boyano Sotillo e Valentín Estanislao Sesma Berhó, organizada pola asociación cultural  El Huerto del Pozo coa colaboración do Concello de Verín.

Durante os días 25 e 26 de maio – de 19:30 a 20:30 horas- Nuria Alvarez Font impartirá, durante dúas xornadas consecutivas, a conferencia O Romanticismo na Pintura na Casa da Cultura de Verín.

O xoves día 26, de 10:00 a 13:00 horas, Profesores e alumnos do Conservatorio Elemental de Música de Verín ofrecerán tres concertos didácticos, nos que está previsto que participen como espectadores alumnos e alumnas dos cursos de Primaria do CPR Plurilingüe María Inmaculada, CEIP Princesa de España, CRA Monterrei, CEIP de Castrelo do Val, CEIP O Castiñeiro de Laza, CEIP de Medeiros e CEIP de Oímbra.