Concello de Verín

O Concello de Verín organiza, xunto coa Consellería  de Economía, Emprego e Industria da Xunta de Galicia, un curso gratuíto de atención sociosanitaria a persoas dependentes en institucións sociais, unha acción formativa de 468 horas de duración que outorgará aos alumnos que a completen o título homologado pola Xunta de Galicia e terá dereito a solicitar o certificado de profesionalidade en devandita especialidade.

Os días 4 e 5 de xuño terá lugar, no complexo deportivo de  A Granxa e no Estadio José Arjiz, a realización do VII Torneo Internacional de Fútbol 8 'Vila de Verín', no que participarán corenta e un equipos  procedentes de Galicia e o norte de Portugal.

O alcalde de Vigo, Abel Caballero, e o de Verín, Gerardo Seoane, selaron esta mañá unha alianza estratéxica entre os dous municipios para o aproveitamento de sinerxías loxísticas, ao complementar a presenza de solo industrial na comarca de Monterrei as necesidades de espazo das zonas industriais de Vigo. Así mesmo, ambos rexedores coincidiron na necesidade de ampliar os lazos entre a abondosa comunidade viguesa de orixe verinés na vila de Verín.

O vindeiro martes 7 de xuño, a Oficina Municipal de Información Xuvenil do Concello de Verín abre o prazo de inscrición para participar nunha nova edición do Campamento do Invernadoiro que terá lugar do 22 ao 27 de agosto.

Desde a concellería de Deportes de Verín infórmase que xa está aberto o prazo de inscrición do programa 'Verán Deportivo 2016', unha iniciativa lúdico-deportiva, que desenvolverá do 1 de xullo ao 31 de agosto, destinada a máximo de 180 menores con idades comprendidas entre os 4 e 14 anos.