Concello de Verín

O próximo 25 e 26 de xuño celebrarase na Coruña o primeiro congreso europeo de fronteiras, denominado “Congreso das fronteiras europeas: cooperación intelixente”, que estará organizado pola CECICN (Conferencia de Redes Europeas Transfronteirizas e Interregionales de Cidades). Este evento ten lugar nun momento no que se están discutindo as regras de xogo tanto políticas como financeiras para o próximo período de programación 2014-2020. Esta discusión prodúcese nun momento especialmente difícil, tanto para a Península Ibérica como para o propio proceso de construción europea.

O pasado 27 de abril tivo lugar a celebración do Día Europeo da Seguridade Viaria, no que a Eurocidade Chaves-Verín, co apoio da Xefatura Provincial de Tráfico, que convidou a unha escola do municipio de Chaves a conmemorar esta efeméride coa realización dunha xornada de sensibilización con actividades lúdicas e pedagóxicas, e intercambio de experiencias cunha escola galega.

Desde Desenvolvemento Local do Concello de Verín infórmase da publicación de requirimentos de emenda das solicitudes presentadas ao abeiro da Resolución do 1 de decembro de 2011, que estableceu as bases reguladoras e anunciou a convocatoria de subvencións, en réxime de concorrencia competitiva, a proxectos de enerxías renovables (Diario Oficial de Galicia n.º 236, do 13 de decembro).

Desde Desenvolvemento Local do Concello de Verín infórmase da publicación do Decreto 118/2012, do 20 de abril, polo que se regula o Rexistro Galego de Comercio.

O Fondo Galego de Cooperación e Solidariedade participa esta semana en Alemaña nunha xuntanza de traballo do proxecto europeo ‘Redes para o desenvolvemento’. A asociación de Concellos e Deputacións actúa como asesora nesta iniciativa cofinanciada pola UE para apoiar as redes de cooperación descentralizada en Alemaña e Portugal.