Concello de Verín

O vindeiro luns 2 de abril, a Biblioteca Pública Municipal de Verín, promove dúas actividades culturais e lúdicas con motivo do Día Internacional do Libro Infantil: colocación dun stand fronte ás instalacións da biblioteca, onde se colocarán os libros de literatura infantil-xuvenil (dependendo das condicións meteorolóxicas) e Xornada de Portas Abertas, co obxecto de ofertar a todos os/as interesados/as unha visita guiada e explicativa por estas instalacións municipais, na que tamén se amosarán os proxectos culturais e educativos realizados nos últimos anos.

Desde Desenvolvemento Local do Concello de Verín infórmase da aprobación das bases reguladoras do Programa das iniciativas emprendedoras e de emprego (I+E+E), cofinanciado polo Fondo Social Europeo, e se procede á súa convocatoria para o ano 2012.

O Pavillón de Deportes de Verín acolleu a quinta edición do Concurso de Gastronomía 'Cigarrón de Verín', englobado dentro da Feira do Lázaro e o Certame Gastronómico 'Vila de Verín', e no que participaron dezaoito concursantes -a maioría competindo por parellas- pertencentes a diferentes restaurantes, escolas de hostalería de Ourense e Chaves (Portugal) e a Asociación de Empresarios de Hostalería da Comarca de Monterrei (AECOM).

O balneario de Cabreiroá acolleu esta mañá a presentación da II Carreira-Andaina de Monte 'Pozo do Demo, que terá lugar o vindeiro domingo 1 de abril, e que está organizada polo Concello de Verín e a Asociación de Sendeirismo Ruta das Augas.

A partir do mes de abril, a Eurocidade Chaves-Verín promove un programa de visitas guiadas gratuítas, destinado a asociacións e grupos, que inclúe un amplo percorrido por diferentes lugares de interese dos municipios de Chaves e Verín, acompañados dun guía.