Concello de Verín

A Biblioteca Pública Municipal de Verín, coa colaboración do historiador e escritor Bruno Rúa, promoveu o concurso 'Busca do patrimonio na Biblioteca', co obxecto de divulgar o coñecemento da riqueza patrimonial da nosa comarca entre os público infantil e xuvenil, que foi vencido nesta primeira edición polo verinense Miguel Pérez Parada, de 9 anos e estudante de 3º de Primaria.

Desde Desenvolvemento Local do Concello de Verín infórmase do establecemento das bases reguladoras do certame Cooperativismo no ensino, dirixido ao alumnado e ao profesorado dos centros educativos de Galicia, e se procede á súa convocatoria para o ano 2012.

O pasado 1 de abril tivo lugar a segunda edición da Carreira-Andaina de Monte 'Pozo do Demo', organizada polo Concello de Verín e a Asociación de Sendeirismo Ruta das Augas. Devandita iniciativa, na que participaron máis de 1.100 persoas, estivo divida en tres probas: andaina, carreiras escolares (para menores nacidos entre 1997 e 2004) e unha carreira de montaña. A andaina, de dificultade media, tivo un percorrido próximo aos 18 quilómetros, e percorreu as paraxes desta zona natural, chegando ata a localidade de Veiga das Meás (Vilardevós). Mentres que a carreira, dunha distancia de 11.37 quilómetros e tamén de dificultade media, estivo dividida en seis categorías de idade e tivo lugar por zonas de montaña, terra e asfalto.

O salón de actos da Casa de Cultura de Verín acolle mañá 19 de abril, ás 19.30 horas, a conferencia-coloquio  'Nenos, adolescentes e adultos con Trastorno por Déficit de Atención: TDAs'  de Manuel García Pérez, psicólogo consultor clínico e educativo; experto en TDAs, fundador e director técnico do grupo Albro-Cohs.

O pasado domingo 15 de abril tivo lugar o inicio do 4º Torneo de Fútbol Sala  Inter-Freguesias/Pobos Eurocidade Chaves-Verín. Os resultados da primeira xornada foron os seguintes: