Concello de Verín

O vindeiro venres 13 de abril, o presidente da Xunta de Galicia, Alberto Núñez Feijóo, e o secretario de  Estado da Administração Local e Reforma Administrativa, Paulo Simões Júlio, e o presidente da Deputación de Ourense, José Manuel Baltar Blanco, inaugurarán a nova sede da Eurocidade Chaves-Verín.

Na tarde de onte, o xefe provincial da DGT, David Llorente Rey, impartiu a  charla-coloquio 'Os adolescentes e o tráfico' a máis dun centenar de alumnos/as e profesores do IES García Barbón de Verín, no marco das actividades organizadas dentro do Proxecto de Educación e Seguridade Viaria da Eurocidade Chaves-Verín.

A Eurocidade Chaves-Verín despois do éxito das oito edicións anteriores do Programa de Termalismo social seguirá a promocionar unha novena edición que se desenvolverá, entre os días 26 de abril e 8 de maio (o 24 de abril terá lugar a consulta médica), e que permitirá a todos os habitantes da comarca de Verín acudir ás Termas de Chaves – Spa do Imperador, beneficiándose dun desconto especial.

Do 2 ao 7 de abril, o complexo deportivo de A Granxa acolleu a celebración da primeira edición do Torneo de Tenis de Semana Santa de Verín, organizada pola área de Deportes do Concello de Verín, Eurocidade Chaves-Verín e os proxenitores dos 21 menores participantes.

A Eurocidade Chaves-Verín, a través da Oficina Municipal de Información Turística de Verín, continúa a impulsar o seu programa de visitas guiadas gratuítas, destinado a grupos e asociacións, que atraerá a máis de 500 visitantes nos próximos meses.