Concello de Verín

A Concellería de Deportes segue a traballar na consolidación do Club de Natación de Verín, creado na anterior lexislatura polo actual grupo de goberno, e que está conformado por unha trintena de nenos/as integrantes dos diferentes cursos de natación da Piscina Climatizada de Verín, que conta na actualidade con máis de 350 menores.

A Eurocidade Chaves-Verín organiza, entre os meses de marzo e xuño, a cuarta edición do “Torneo de Fútbol Sala Inter-Freguesias/Pobos Eurocidade Chaves-Verín”.

Coincidindo coas celebracións do Entroido de Verín, que teñen lugar entre os días 9 e 21 de febreiro, a situación da feira do próximo sábado 11 trasládase á rúa Canella Cega, en vez das prazas da Alameda, Maior e García Barbón, como se realiza de modo habitual.

Os días 10 e 15 de febreiro, a Biblioteca Pública Municipal do Concello de Verín organiza un obradoiro de ‘Contos de Entroido, Manualidades e Maquillaxe Infantil’, dentro do ciclo de actividades programas para o Entroido 2012 e destinada a fomentar a lectura entre os/as nenos/as do municipio.

O vindeiro día 16 de febreiro, o actor Manuel Manquiña será o encargado de realizar o pregón dunha das xornadas máis participativas, orixinais e emblemáticas do Entroido de Verín: o Xoves de Comadres. Con grandes doses de humor, ironía e risas, o actor aportará unha visión particular aos asuntos de actualidade nunha noite na que se iniciará de modo oficial o ciclo do Entroido na localidade.