Concello de Verín

A Biblioteca Pública Municipal de Verín acollerá o martes 11 de marzo, ás 19.30 horas, un encontro co escritor verinense Xosé Carlos Caneiro, no que presentará a súa última obra “Las arañas en Berlín”

Desde Desenvolvemento Local do Concello de Verín infórmase da publicación orde do 21 de febreiro de 2014, da Consellería de Traballo e Benestar,  pola que se establecen as bases reguladoras dos programas de fomento do emprego en empresas de economía social e de promoción do cooperativismo, cofinanciada parcialmente polo FSE, e se procede á súa convocatoria para o ano 2014.

A Biblioteca Pública Municipal de Verín acolle do 10 ao 21 de marzo 'Na flor da pel', unha exposición sobre pergameos, na que colabora o Museo do Pobo Galego.

Os concellos de Santiago de Compostela, Oleiros, Ourense, Vigo, Lugo e Pontevedra acollerán entre o 4 e o 12 de marzo as xuntanzas da Rede Municipalista Solidaria que o Fondo Galego de Cooperación e Solidariedade convocou para este semestre. Os encontros reúnen ao persoal técnico das administracións asociadas para dar conta dos proxectos apoiados en países do Sur e amosarlles as actividades de sensibilización que poderán implementar ao longo de 2014.

Co obxectivo último de proporcionar unha maior calidade de vida á poboación de Chaves e Verín, a Eurocidade Chaves-Verín pon en funcionamento un proxecto que defina un convenio de cooperación sanitaria transfronteiriza. Este proxecto desenvólvese ao abeiro do acordo marco entre o Reino de España e a República Portuguesa sobre cooperación sanitaria transfronteiriza, asinado en Zamora o 22 de xaneiro de 2009 e no marco establecido pola Directiva 2011/24/UE do Parlamento Europeo e do Consello do 9 de marzo de 2011 relativa á aplicación dos dereitos dos pacientes na asistencia sanitaria transfronteiriza.