Concello de Verín

O vindeiro venres 21 levarase a cabo na sede da Eurocidade (antiga aduana de Feces de Abaixo) unha reunión de traballo encabezada polo vicepresidente da Xunta de Galicia e presidente do grupo de traballo da Eurocidade Chaves-Verín, Alfonso Rueda Valenzuela.

Na mañá do luns 17 de febreiro finaliza o prazo de inscrición para participar na 'Xornada de Coaching Empresarial', que terá lugar ese mesmo día, de 18 a 21 horas, na Casa Cultura de Verín.

No Día Mundial da Radio, a Asociación Galega de Reporteiros Solidarios (Agareso) e o Fondo Galego de Cooperación e Solidariedade queren facer un recoñecemento ao gran potencial da radio como ferramenta de desenvolvemento, sobre todo nos países empobrecidos onde os niveis de analfabetismo e as dificultades nas comunicacións impiden un acceso efectivo da poboación aos medios de difusión. Exemplo da utilidade da radio é o proxecto de comunicación para o desenvolvemento que Agareso iniciou este ano en El Salvador e que aposta por aproveitar a capacidade dos medios comunitarios e da educación para o desenvolvemento para diminuír o impacto dos desastres naturais.

Até o día 21, o Concello de Verín abre un período de inscrición en cursos de formación para a obtención dos certificados de lingua galega. A inscrición é gratuíta. Os/As interesados/as só deberán completar un formulario de solicitude.

O axente responsable de seguridade viaria da Policía Local de Verín, Fernando Castro Salgado, acaba de ser galardoado por FESVIAL nos III Premios de Seguridade Viaria para Policías Locais, que serán entregados o vindeiro 26 de febreiro, durante a I Xornada Iberoamericana sobre Seguridade Viaria Municipal, enmarcada no Salón Internacional da Seguridade (SICUR).