Concello de Verín

O vindeiro venres 14 de marzo, de 18 a 19.30 horas, a Biblioteca Pública Municipal de Verín programa a iniciativa 'Contos dos Dragóns', no marco da programación de actividades destinadas ao fomento da lectura e dinamización da instalación municipal.

Por enfermidade do escritor verinense Xosé Carlos Caneiro suspéndese o encontro previsto para esta tarde na Biblioteca Pública Municipal de Verín. O mesmo, no que se ía a presentar a última obra do autor  “Las arañas en Berlín”, será realizado o vindeiro 18 de marzo tamén ás 19.30 horas.

Dende as 20 horas do martes día 11 e ata o día 2 de abril, a Sala de Exposicións de Verín acolle a mostra colectiva 'Distintas Miradas', con obras de membros da Asociación Fotográfica “O POTIÑOS”. No acto de apertura, algúns dos fotógrafos participantes falarán sobre os aspectos técnicos e artísticos das obras que se expoñen.

Máis de 1.300 persoas visitaron, desde a súa apertura, as mostras de Suso Godás, Leonardo Vidal e os carteis de Entroido e o Desfile Infantil que estiveron expostos na nova Sala de Exposicións do Concello de Verín.

A celebración do Domingo de Piñata puxo o broche final ao Entroido 2014. Durante o acto tivo lugar un almorzo nun restaurante da vila, o reparto das placas conmemorativas para premiar a participación de todas as comparsas e carrozas, e a entrega dos seguintes galardóns -por parte de Juan Manuel Jiménez Morán, alcalde de Verín, Víctor Manuel Baladrón Lamas, concelleiro de Festexos, e os membros da Comisión-: