Concello de Verín

Desde o Concello de Verín infórmase da publicación da resolución do 27 de febreiro de 2014, da Axencia Galega de Desenvolvemento Rural, pola que se convocan para o ano 2014 as subvencións aos proxectos dinamizadores das áreas rurais de Galicia promovidos por microempresas para o uso das tecnoloxías da información e as comunicacións, cofinanciadas co Fondo Europeo Agrícola de Desenvolvemento Rural (Feader) no marco do PDR de Galicia 2007-2013.

A aula CeMIT do Concello de Verín continúa coa realización de actividades formativas durante o mes de marzo coa programación de cursos de alfabetización, iniciación á informática ou seminario técnico co Centro de Novas Tecnoloxías de Galicia, entre outras.

O vindeiro venres 21 de marzo, de 18 a 19.30 horas, a Biblioteca Pública Municipal de Verín programa a iniciativa 'Contos de Primavera', no marco da programación de actividades destinadas ao fomento da lectura e dinamización da instalación municipal.

A Biblioteca Pública Municipal de Verín acollerá mañá 18 de marzo, ás 19.30 horas, un encontro co escritor verinense Xosé Carlos Caneiro, que estaba previsto para a semana anterior e foi suspendido por enfermidade do autor.

Desde o Concello de Verín infórmase da publicación da orde do 11 de marzo de 2014, da Consellería de Traballo e Benestar, pola que se establecen as bases polas que se rexerá a concesión da prestación económica de pagamento único por fillas e fillos menores de tres anos para o ano 2014.