Concello de Verín

Un total de dezaoito restaurantes das comarcas de Verín e Conso-Frieiras forman parte das Xornadas Gastronómicas do Inverno, promovidas desde o Plan de Competividade Puertas de Galicia, co obxecto de promocionar os produtos típicos desta estación, con especial atención ao cocido, matanza e doces típicos.

Desde Desenvolvemento Local do Concello de Verín infórmase da publicación da resolución do 4 de marzo de 2014, da Axencia Turismo de Galicia, pola que se establecen as bases reguladoras para a concesión, en réxime de concorrencia competitiva, das subvencións a axencias de viaxe para o desenvolvemento das actividades de promoción e comercialización turística do destino Galicia, cofinanciadas polo Fondo Europeo de Desenvolvemento Rexional no marco do programa operativo Feder Galicia 2007-2013, TP 5.57.2, e se procede á súa convocatoria para o ano 2014.

Desde Desenvolvemento Local do Concello de Verín infórmase da publicación da resolución do 4 de marzo de 2014, da Axencia Turismo de Galicia, pola que se establecen as bases reguladoras para a concesión, en réxime de concorrencia competitiva, das subvencións a establecementos de turismo rural, establecementos hoteleiros, apartamentos e vivendas turísticas, campamentos de turismo, axencias de viaxes, cafetarías, bares, restaurantes e empresas de servizos turísticos complementarios, nos procesos de certificación, seguimento e renovación das correspondentes normas UNE co obxecto da obtención e/ou mantemento da marca Q de Calidade Turística do Instituto para a Calidade Turística Española (ICTE), cofinanciadas polo Fondo Europeo de Desenvolvemento Rexional no marco do programa operativo Feder Galicia 2007-2013, TP 5.57.2, e se procede á súa convocatoria para o ano 2014.

A aula CeMIT do Concello de Verín comeza o ciclo de actividades formativas para este ano 2014, coa realización o vindeiro 20 de marzo do seminario técnico 'Desenvolvemento de aplicacións para IOS' a través do sistema de videoconferencia co Centro de Novas Tecnoloxías de Galicia.

Desde Desenvolvemento Local do Concello de Verín infórmase da publicación da resolución do 5 de marzo de 2014 pola que se fai público o acordo do Consello de Dirección do Igape polo que se modifican as bases reguladoras das axudas aos proxectos de creación de pequenas e medianas empresas ou de realización de investimentos en pequenas e medianas empresas novas promovidas por novos emprendedores, cofinanciadas polo Fondo Europeo de Desenvolvemento Rexional, no marco do programa operativo Feder Galicia 2007-2013 (Galicia Emprende).