Concello de Verín

Co obxecto de promocionar o territorio Verín e Conso-Frieiras como unha alternativa de lecer e turismo gastronómico, o Plan de Competitividade Puertas de Galicia promove dous eventos gastronómicos que terán lugar entre o 11 de abril e o 04 de maio: 'Concurso de tapas' e 'Pasaporte gastronómico'. Todo co fin de  gozar das comarcas de Verín e Conso-Frieiras e coñecer de cerca a oferta gastronómica en 42 restaurantes, adegas e comercios que elaboran produtos da terra.

Desde Desenvolvemento Local do Concello de Verín infórmase da publicación da resolución do 3 de abril de 2014, da Secretaría Xeral da Emigración, pola que se regula e convoca para o ano 2014 o programa de axudas para a participación no programa Conecta con Galicia, dirixido a mozos e mozas de orixe galega ou descendentes de galegos/as e que residan no exterior.

Desde Desenvolvemento Local do Concello de Verín infórmase da publicación da orde do 31 de marzo de 2014, da  Consellería do Medio Rural e do Mar, pola que se establecen as bases reguladoras das axudas aos plans de reestruturación e reconversión de viña en Galicia e se convocan para o ano 2014.

O venres 11 de abril, de 18 a 19.30 horas, a Biblioteca Pública Municipal de Verín acollerá unha sesión de cantacontos realizados pola pedagoga, docente e compositora Susa Herrera Ruiz, acompañada da profesora e artista Merchy Rozas.

Desde o 7 ao 10 de abril, vinte e tres alumnos/as do colexio Felix Aunac (Agen-Francia), acompañados de profesores, vintecinco estudantes de RRPP Mercedarios de Verín e educadores do mesmo centro visitan a Eurocidade Chaves-Verín, dentro dun intercambio educativo con este colexio francés.