Concello de Verín

A aula CeMIT de Verín, en colaboración coa asociación AGATIC (Asociación Galega de Tecnoloxías da Informaación e Comunicación), impartirá dous seminarios os días 14 e 15 de maio, de 12:00 a 14:00 na propia aula, sobre o manexo básico dos smartphone Android (“Manexando o noso teléfono Android”).

A Casa da Cultura de Verín acollerá o mércores 14 de maio, ás 20.15 horas, o charla-coloquio “Adestramento mental para unha vida saudable”, a cargo do experto en psicoloxía Rubén Domínguez.

Os alcaldes de Vilardevós e Verín, Manuel Cardoso Pérez e Juan Manuel Jiménez Morán, e o delegado territorial da Xunta en Ourense, Rogelio Martínez, entregaron esta mañá os diplomas aos/ás alumnos/as do obradoiro de emprego 'Pozo do Demo II'.

O luns 12 de maio, de 16.30 a 20.30 horas, terá lugar na Casa da Cultura de Verín a xornada 'A enfermidade oncolóxica', organizado pola Escola Galega de Saúde para Cidadáns, coa colaboración do Centro de Saúde de Verín e o departamento de Servizos Sociais do Concello de Verín. (Área de Maiores).

Durante esta mañá a Eurocidade Chaves-Verín AECT participa na xornada 'As TIC e a e-administración no marco das Smart Cities', organizada por Conetic e coa colaboración da Fundación Biodiversidade.