Concello de Verín

Dende o Concello de Verín promóvese a realización das terceiras xornadas de fotografía, na especialidade de iniciación e retoque, durante o fin de semana do 26 e 27 de abril.

Desde Desenvolvemento Local do Concello de Verín infórmase da publicación da orde do 7 de abril de 2014, Consellería de Traballo e Benestar, pola que se establecen as bases que rexen as axudas enmarcadas no programa Iniciativa Xove e se procede á súa convocatoria.

Toda a información sobre a programación da Semana Santa na Eurocidade Chaves-Verín AECT no noso Facebook.

O titular da Xunta de Galicia, Alberto Núñez Feijóo, presidiu esta mañá a presentación da Agrupación Europea de Cooperación Territorial Eurocidade Chaves-Verín (ECV-AECT), a segunda da Eurorrexión Galicia-Norte de Portugal, que contou tamén coa presencia do vicepresidente da Xunta e presidente do Grupo de Traballo da Eurocidade, Alfonso Rueda Valenzuela, o presidente da Comissão de Coordenação e Desenvolvimento Regional do Norte de Portugal (CCDR-N), Prof. Dr. Emidio Gomes,o delegado do Goberno en Galicia, Samuel Juárez, o presidente da Câmara Municipal de Chaves e presidente da ECV-AECT, António Cabeleira, o alcalde de Verín e director da ECV-AECT, Juan Manuel Jiménez, e altos cargos das administracións dos dous países así como tamén da universidade e da empresa de Galicia e o Norte de Portugal.

O vindeiro luns 14 de abril, a sede da Eurocidade (edificio da antiga aduana española de Feces de Abaixo) acollerá a presentación da Agrupación Europea de Cooperación Territorial Eurocidade Chaves-Verín (ECV-AECT), converténdose deste modo na segunda da Eurorrexión despois da de Galicia -Norte de Portugal AECT, e destinada a xestionar conxuntamente instalacións, servizos e competencias dos dous municipios como turismo-termalismo, cultura, deporte e desenvolvemento sostible.