Concello de Verín

O vindeiro venres 24 de outubro, de 18 a 19.30 horas, a Biblioteca Pública Municipal de Verín programa a iniciativa 'Día da Biblioteca', no marco da programación de actividades destinadas ao fomento da lectura e dinamización da instalación municipal.

O alcalde de Verín, Juan Manuel Jiménez Morán, e o delegado de Unión Fenosa Distribución en Ourense-Lugo, Rubén Menéndez, supervisaron esta mañá o inicio dos traballos de desmantelamento da antiga subestación eléctrica Verín I, que inclúe a retirada do transformador e de todos os elementos eléctricos internos e externos, o que supoñerá a recuperación do espazo urbano na súa situación.

Tras o éxito do curso 'ABC de costura', impartido por Mónica Ferreira, a Escola de Familia Municipal de Verín promove unha nova iniciativa formativa no ámbito da costura, 'A arte de vestir', destinado a todas aquelas persoas interesadas en aprender a coser a máquina.

Co obxecto de conmemorar o 'Día Internacional do Karate-Do', o sábado 25 de outubro terá lugar unha Xornada de Portas Abertas no complexo deportivo de A Granxa, organizada polo Club deportivo Karate-DO Shito Ryu Monterrei coa colaboración da concellería de Deportes de Verín.

A sede da AECT Eurocidade Chaves-Verín (antigo posto fronteirizo de Feces de Abaixo) acolleu esta mañá a visita dunha delegación do goberno brasileiro dentro programa de visitas de estudo organizado polo Eixo Atlántico para coñecer in situ os casos de éxito de cooperación transfronteiriza entre Galicia e o Norte de Portugal.