Concello de Verín

A sede da AECT Eurocidade Chaves-Verín acolleu, na xornada de hoxe, a realización do Workshop “Asistencia Sanitaria no Contexto Transfronteirizo: Custos e Oportunidades”, destinado a  sentar as liñas estratéxicas conxuntas en materia de asistencia sanitaria transfronteiriza, a través da realización dunha xornada de traballo en dous niveles (político e técnico) aos actores principais da UE, Galicia e Norte de Portugal, para debater sobre os diferentes aspectos que afectan a cooperación sanitaria transfronteiriza.

A Casa da Cultura de Verín acollerá o sábado 22 de novembro, ás 18 horas, o tradicional concerto de Santa Icía do alumnado do Conservatorio Elemental de Música de Verín.

Desde o departamento de Desenvolvemento Local do Concello de Verín infórmase da publicación da das resolucións de actualización da bolsa de traballo Bolsa de xestores de exportación e da adxudicación das subvencións para a modernización, establecemento de novas fórmulas e medios de comercialización no sector comerciante retallista e artesanal galego.

O vindeiro venres 21 de novembro, de 18 a 19.30 horas, a Biblioteca Pública Municipal de Verín programa a iniciativa 'Contos dos bonecos travesos', no marco da programación de actividades destinadas ao fomento da lectura e dinamización da instalación municipal.

Un total de 31 mozos/as da sección de atletismo das EDC Verín participaron, na xornada de onte, na XXXVIII Carreira Pedestre Popular San Martiño, onde o verinense Anxo Losada acadou a vitoria na categoría alevín masculina cun tempo de 19' 57''.