Concello de Verín

O coordinador de campañas e redes de Manos Unidas, Marco Gordillo, estará nas plataformas sociais do Fondo Galego de Cooperación e Solidariedade mañá mércores 29 de outubro para falar sobre as desigualdades, a pobreza, o desenvolvemento sostible e a necesidade dun cambio de paradigma no actual modelo de desenvolvemento para a construción da Axenda Post 2015 de desenvolvemento sostible.

Aprobados por acordo do Pleno en sesión de 23.10.2014 o prego de cláusulas administrativas particulares e o proxecto básico e de execución, redactado por Ana Asunción Requejo Miguel, para a construción, instalación e explotación de CAFETARÍA en ÁREA DEPORTIVA DE A GRANXA (VERÍN), situada na rúa Taboada Chivite esquina rúa Antonio Fernández, anúnciase licitación para a presentación de propostas co seguinte detalle:

Co obxecto de mellorar a rede de saneamento e solucionar os actuais problemas de desbordamentos dos sumidoiros e sobrecargas hidráulicas na EDAR (Estación Depuradora de Augas Residuais), nas vindeiras semanas realizaranse obras de mellora desta rede, en Verín e polígono de Pazos, que contemplan a construción dun aliviadoiro cun depósito de retención para o control de pluviais e alivios incontrolados ao río Támega, ademais da mellora dos bombeos existentes, entre outras actuacións.

O presidente e director da Agrupación Europea de Cooperación Territorial Eurocidade Chaves-Verín, António Cabeleira e Juan Manuel Jiménez respectivamente, presentaron esta mañá a iniciativa 'Executive Fam Meetings', un programa de visitas e reunións que se desenvolverá os vindeiros días neste destino transfronteirizo co obxecto de revalorizar os recursos da zona e difundilos naqueles mercados potenciais de interese. Estos viaxes de familiarización son a ferramenta por excelência para conseguir un maior acercamento o destino turístico dos potenciais prescriptores, sendo ademais, un dos investimentos en promoción con maior retorno.

A aula de docencia número 3 do Hospital de Verín acollerá na xornada do 29 de outubro, de 16.30 a 20.30 horas, o obradoiro 'Diabetes e Alimentación', promovido desde os Servizos Sociais Comunitarios do Concello de Verín e enmarcado na Escola Galega de Saúde para Cidadáns.