Concello de Verín

O vindeiro venres 07 de novembro, de 18 a 19.30 horas, a Biblioteca Pública Municipal de Verín programa a iniciativa 'Contos para os días de choiva', no marco da programación de actividades destinadas ao fomento da lectura e dinamización da instalación municipal.

O delegado territorial da Xunta en Ourense, Rogelio Martínez, o presidente de Aever-CCU Verín, José Ángel Rodicio, e o alcalde de Verín, Juan Manuel Jiménez, presentaron hoxe en Verín a campaña de dinamización comercial Centros Comerciais Abertos. Máis que comercio!, que se desenvolverá en novembro no centro comercial urbano da localidade, e que busca impulsar as vendas do comercio de proximidade premiando a confianza dos seus clientes.

O IES Castro de Baronceli acollerá na xornada de mañá, ás 11.35 horas, un seminario para concienciar aos/ás mozos/as da realizade de dúas enfermidades inflamatorias intestinais, con pouca visibilidade e grande incidencia, como son a de Cronh e colite ulcerosa, que está organizada por ACCU Ourense e conta coa colaboración do Concello de Verín.

Desde hoxe e ata o venres, a Sala de Exposicións de Verín será testemuña da exposición 'Mobles de Cartón', que recolle as obras realizadas polos/as alumnos de un curso de mobiliario organizado polo Centro de Desenvolvemento Rural Portas Abertas, coa colaboración do Concello de Verín.

Desde o Concello de Verín infórmase da publicación da resolución do 24 de outubro de 2014, da Axencia para a Modernización Tecnolóxica de Galicia, pola que se convoca o programa de autoformación para a obtención da certificación galega de competencias dixitais en ofimática e probas de avaliación de carácter libre (en Verín terán lugar o 03 de decembro e hai un máximo de 10 prazas).