Concello de Verín

Do 13 ao 17 de outubro, as instalacións da Biblioteca Pública Municipal de Verín acollen a exposición 'Culturas para compartir, xitanos hoxe', promovida pola propia Biblioteca xunto cos Programas de Inclusión Social do Concello de Verín e a Fundación Secretariado Gitano.

O Obradoiro de Teatro Cómico para a Mocidade presenta Un tsunami (de gargalladas) mañá sábado, ás 20 horas, na Casa da Cultura de Verín. A obra foi creada e será interpretada por mozos/as  de 16 e 17 anos que participaron nun curso de introdución ao clown que impartiu Pedro Brandariz, director da creación colectiva que agora escenifican.

O sábado 11 de outubro, ás 12 horas, na Casa da Cultura de Verín terá lugar a presentación do proxecto “Happy-We are from Verín”, realizado por Iris Justo Rodríguez, coa colaboración do Concello de Verín.

Desde o departamento de Desenvolvemento Local do Concello de Verín infórmase da publicación da orde do 29 de setembro de 2014, Consellería de Cultura, Educación e Ordenación Universitaria, pola que se aproban as bases e se procede á convocatoria de axudas para o inicio de estudos universitarios no curso 2014/15 nas universidades do Sistema universitario de Galicia. Ademais, tamén se informa da publicación da orde do 29 de setembro de 2014, Consellería de Cultura, Educación e Ordenación Universitaria, pola que se aproban as bases e se procede á convocatoria de axudas para a matrícula nun máster universitario oficial, destinadas a titulados/as universitarios/as en situación de desemprego, para o curso 2014/15.

Desde o departamento de Desenvolvemento Local do Concello de Verín infórmase da publicación da orde ESS/1827/2014, do 2 de outubro, pola que se convoca proceso selectivo para ingreso, polo sistema xeral de acceso libre, no Corpo de Xestión da Administración da Seguridade Social, especialidade de Auditoría e Contabilidade. Por outra banda, tamén se informa da publicación da orde ESS/1826/2014, do 29 de setembro, pola que se convoca proceso selectivo para ingreso, polo sistema xeral de acceso libre e polo sistema de promoción interna, no Corpo Superior de Intervención e Contabilidade da Administración da Seguridade Social.