Concello de Verín

O vindeiro sábado 11 de xuño, a partir das 20.30 horas, a Igrexa da Mercé acollerá o XXIV Festival de Corais de Verín.

Durante os días 10 e 11 de xuño, profesores de fabricación mecánica de toda Galicia participarán  no XVI Congreso de ENFAMEC que se celebrará no IES García Barbón de Verín coa finalidade de crear un lugar de encontro entre docentes do sector e as institucións no que intercambiar experiencias, e ampliar coñecementos desta especialidade formativa. O alcalde de Verín, Gerardo Seoane, participará  na inauguración do congreso que terá lugar o día 10 ás 17:00 horas, no salón de actos do centro educativo.

O vindeiro domingo 12 de xuño, ás 19:00 horas, a Praza da Mercé acolle a obra de teatro musical infantil Carapuchiña Vermella, de Educateatro. A actuación, incluída en Cultura non Camiño 2016, está organizada e patrocinada polo Concello de Verín e a Consellería de Cultura da Xunta de Galicia.

Durante os días 10, 11 e 12 proxectaranse no cinema de Verín as películas Un Doctor en la campiña e Angry Birds. La Película nos seguintes horarios:

O Concello de Verín organiza, xunto coa Consellería  de Economía, Emprego e Industria da Xunta de Galicia, un curso gratuíto de atención sociosanitaria a persoas dependentes en institucións sociais, unha acción formativa de 468 horas de duración que outorgará aos alumnos que a completen o título homologado pola Xunta de Galicia e terá dereito a solicitar o certificado de profesionalidade en devandita especialidade.