Concello de Verín

Tras cinco anos de estancamento nas negociacións, o grupo de goberno verinés, en cumprimento con normativa vixente, asina hoxe unha modificación na relación de postos de traballo (RPT) respecto o colectivo da Policía Local Municipal regularizando así a situación relativa a súa especificidade e peculiar estrutura laboral. Este acordo entrará en vigor unha vez aprobado no próximo pleno municipal. Así o confirmaron esta mañá na casa consistorial Rosario Rodríguez, concelleira de Recursos Humanos e Réxime Interior e Cándida Couñago, concelleira de Tráfico Seguridade Cidadá e Protección Civil.

Os postos de atención turística do territorio, Verín, Chaves e Vidago atópanse, neste preciso momento, proporcionando os primeiros diplomas de embaixador/a de as augas da Eurociudad Chaves-Verín. “O Pasaporte do Auguista” da ruta termal e da auga Verín -Chaves-Vidago, atópase dispoñible nas devanditas oficinas turísticas desde a súa presentación oficial o pasado mes de xuño con motivo da inauguración do balneario pedagóxico de Vidago.

O Pasado martes, 12 de xullo, as AECTs Eurocidade Chaves-Verín e Douro-Douro reuníronse en Trabanca, provincia de Salamanca, para sentar as bases dun proxecto conxunto que dinamice económica e socialmente os territorios de ambas as agrupacións transfronteirizas.

Aproveitando a maior afluencia de xente nestes meses estivais o Concello de Verín organiza, este domingo 17 de xullo, unha nova edición das súas feiras de verán na Praza da Alameda de Verín, polo que tanto o tráfico como o estacionamento estarán restrinxidos de 7:00 a 15:00 horas.

Debido á gran demanda alcanzada este ano polo Campamento do Invernadoiro, que terá lugar do 22 ao 27 de agosto, desde a Concellería de Mocidade de Verín decidiuse organizar un novo campamento extraordinario que comezará o próximo 27 de agosto  e estenderase ata o 1 de setembro. Así o confirmaron esta mañá ante os medios de comunicación o tenente de alcalde e concelleiro da área de Mocidade, Diego Lourenzo e a técnico da Oficina da Oficina de Información Xuvenil, Blanca López Mascareñas.