Concello de Verín

A secretaria xeral de Emprego, Covadonga Toca; o alcalde de Verín, Gerardo Seoane; a concelleira de Cultura, Emilia Somoza; e o tenente de alcalde e concelleiro da área de mocidade asistiron hoxe ás actividades do programa Cooperativismo en movemento co que a Xunta, coa colaboración do Concello de Verín, está a achegar ás familias galegas as vantaxes e valores desta fórmula empresarial.

Mañá mércores, 29 de xuño, ás 19:30 horas, a Biblioteca Pública Municipal do Concello de Verín acolle a presentación da reedición da "Guía de Monterrey” de Xesús Taboada Chivite. No acto, organizado pola Asociación cultural “Monterrei, cultura e territorio” coa colaboración do Concello de Verín participará a presidenta da asociación, Dña. Nieves Amado Rolán, o coordinador da edición, D. Fernando Serrulla Rech, e algún membro da familia Taboada Chivite.

Durante os días 1 e 2 e 3  de xullo , o cinema de Verín acolle a proxección da película “Buscando a Dory” no Salón de Actos da Casa da Cultura nos seguintes pases:

A ASOCIACIÓN MONTEVAL GDR9 está no proceso de elaboración da estratexia de Desenvolvemento Local Participativo (EDL) de cara a establecer as prioridades de investimento até o ano 2020 dos fondos FEADER distribuidos a través da axudas LEADER 2014/2020, da comarca de Verín.

A área de Cultura do Concello de Verín, tras conseguir consolidar propostas de teatro música e cinema na vila,  aposta agora por unha iniciativa audiovisual de primeiro nivel. Trátase de VÍA XIV, o primeiro Festival Internacional de Curtametraxes de Verín. Cun orzamento inicial de 20.000 euros, o festival celebrarase do 6 ao 11 de decembro, co Auditorio Municipal e a Casa da Cultura como epicentros das proxeccións, e estará formada por tres seccións a concurso: Fronteiras, Emigración e Entroido. Paralelamente, organizaranse conferencias temáticas complementarias ás seccións competitivas, un taller de realización de curtos e actividades didácticas audiovisuais para os máis  pequenos.