Concello de Verín

Até o día 15 de xullo está aberto o prazo para se inscribir no curso de formación que se celebrará en Verín e que capacita para se presentar ao exame do CELGA 4. O curso está promovido pola Secretaría Xeral de Política Lingüística e organizado en colaboración co Concello de Verín. A inscrición é gratuíta e está aberta a persoas maiores de dezaseis anos, ou que os fagan até o día 31 de decembro incluído. A solicitude pódese tramitar no Concello de Verín ou no web da Xunta de Galicia.

O Concello de Verín, a través da Concellería de Cultura,  en colaboración coa Obra Social da Caixa, acollerá desde o vindeiro luns 20 ate o sábado 25 de xuño -en horario de 11:00 a 13:00 e de 17:00 a 20:00 horas- a iniciativa "Planeta Móbil", planetario portátil que ofrecerá aos nenos e nenas, de maneira gratuíta, unha presentación didáctica e entretida sobre os planetas e as estrelas.

Durante os meses de xullo e agosto, a Escola de Familia Municipal programa a iniciativa lúdica 'Kero-Verán', destinada a menores con idades comprendidas entre os 2 e 4 anos  -os/as nenos/as non escolarizados deberán acudir obrigatoriamente cun adulto-.

O sábado 18, ás 22:30 horas, a Praza da Mercé acolle a proxección do documental Máis ca vida e o filme de ficción Vida, do director Rubén Riós. Devandita iniciativa enmárcase  no Ciclo “Cinema de Verán” organizado pola Deputación de Ourense, coa colaboración do Concello de Verín entre outros. O proxecto foi presentado onte no Centro Cultural "Marcos Valcárcel" por parte do presidente da Deputación de Ourense, Manuel Baltar; o director do proxecto Vida, Rubén Riós; e o actor protagonista da película, Óscar Rodríguez.

Onte, un centenar de nenos e nenas participaron, xunto cos seus proxenitores, na festa de fin de curso dos programas 'Kero-Kolo' e 'Kero-Kedar', con actividades lúdicas e deportivas