Concello de Verín

O Concello de Verín, co apoio da Deputación de Ourense, impulsa a través da Oficina Municipal de Información Xuvenil (OMIX) un conxunto de iniciativas para dinamizar para a mocidade. É por isto que, antes do remate do curso, repartirase unha serie enquisas en todos os centros de secundaria e bacharelato de Verín para avaliar as demandas da mocidade, coa función de proxectar as accións que máis lle interesen. Dous técnicos do Concello e o tenente de alcalde e concelleiro da área de Mocidade, Diego Lourenzo, acuden ao longo de esta semana aos centros verineses para entregar devanditas enquisas os estudantes e explicarlle de primeira man as iniciativas.

O programa Cooperativismo en movemento co que a Xunta está a achegar ás familias galegas as vantaxes e valores desta fórmula empresarial achégase o vindeiro luns 27 de xuño a Verín. A Praza García Barbón de Verín acollerá, dende as 17 ás 20 horas, diversas actividades culturais entre as que se inclúen unha representación músico-teatral, xogos e unha exposición.

Durante os días 24 e 25 e 26  de xuño , o cinema de Verín acolle a proxección da película “Dos buenos tipos” no Salón de Actos da Casa da Cultura nos seguintes pases:

Esta mañá, o Salón de Actos da  Casa da Cultura de Verín acolleu a presentación do espectáculo Terras de Queimada, de Queiman e Pousa, que se celebrará a noite de San Xoán (xoves pola noite), ás 0:30 horas, na Praza García Barbón de Verín. Á presentación acudiu a concelleira de Cultura, Emilia Somoza; o Bruxo Queiman; Andrea Pousa e António Lourenço Fontes (máis coñecido como o Padre Fontes), principal impulsor do Congresso de Medicamento Popular, en Vilar de Perdizes, e do "Venres 13" en Montalegre. Tras o espectáculo, o Concello de Verín queimará a tradicional fogueira de San Xoán na Praza da Alameda. A xornada contará tamén coa animación musical de Zona de Baile A Gramola.

Desde as 10 h de hoxe, martes día 21, suspendéronse definitivamente as proxeccións previstas no Planeta Móbil de La Caixa que estaba instalado no Pavillón dos Deportes de Verín. As proxeccións previstas para a tarde do luns xa se suspenderan provisionalmente, porque así o pediron desde os servizos técnicos de La Caixa que até primeira hora da mañá da martes non poderían revisar o equipamento de proxección do planetario. O motivo da suspensión definitiva é un desaxuste entre son e imaxe, que vai en incremento a medida que se repiten as proxeccións. Este problema técnico irresoluble, despois de ser revisado o equipo polo miúdo e probado de novo, e o feito de non ter La Caixa un equipamento técnico alternativo dispoñible son as causas da suspensión definitiva.