Concello de Verín

Esta mañá, unha trintena de alumnos/as de 4º da ESO do CEIP María Inmaculada realizarón unha sesión de xogos populares na Praza do Concello de Verín. Esta xornada enmárcase dentro das actividades realizadas por devantito grupo para o programa internacional “As túas ideas as túas iniciativas”, proxecto a escala internacional - promovido por Nacións Unidas- cuxo obxectivo é mellorar a seguridade, educación e mobilidade na contorna escolar.

O C.R.D.O. Monterrei acaba de convocar, por primeira vez na súa historia, un concurso para seleccionar o cartel anunciador da “XI Feira do Viño Monterrei”, que terá lugar os días 12, 13 e 14 de agosto en Verín.

Dentro do seu compromiso por garantir o benestar dos maiores, a Área de Servizos Sociais do Concello de Verín, en colaboración coa Cruz Vermella, elaboraron uns dípticos informativos que serán repartidos xunto cun lazo lila o día 15 de xuño, diante da casa da Xuventude do Concello de Verín, coincidindo coa celebración do "Día Mundial da Toma de Conciencia do Abuso e Maltrato ó Maior".

Desde o Concello de Verín informámosvos que as as entradas para "O Principio de Arquímedes" están esgotadas.

O vindeiro venres 10 de xuño ponse fin ao curso escolar nas instalacións da Biblioteca Municipal de Verín coa actividade ¿Cantamos un Conto na Biblioteca?. Devandita xornada pon fin á programación  do ano lectivo 2015-2016 na que se levaron a cabo cincuenta e oito actividades de todo tipo: dez presentacións literarias, dezanove contacontos, dezaseis conferencias, dous obradoiros, once visitas escolares e quince reunións do club de lectura.