Concello de Verín

VIA XIV, o primeiro Festival Internacional de Curtos de Verín, estrea sede na Praza García Barbón mañá martes 9 de agosto.

O alcalde, Gerardo Seoane, e o tenente de alcalde, Diego Lourenzo reabriron hoxe oficialmente ao público o manancial de Fontenova, recentemente restaurado polo ente municipal e que levaba clausurado, sen funcionamento efectivo,  desde a década dos setenta. Coa apertura de Fontenova, as tres fontes tradicionais de Verín (Cabreiroá, Sousas e Fontenova) xa se encontran neste momento en pleno funcionamento e integradas na rota da auga da Eurocidade Verín-Chaves, proporcionando asistencia médica, pack do auguista e diploma acreditativo. 

O vindeiro domingo 7 de agosto a Biblioteca Pública Municipal do Concello de Verín organiza o espectáculo gastronómico musical con marionetas  “Cocer e Cantar”,  de Viravolta Títeres. A actividade levarase a cabo nas Piscinas Municipais do Concello de Verín, (Bibliopiscina), ás 18:00 horas, para nenos/as de 3 a 12 anos.

Desde o 6 ao 27 de agosto, a Sala de Exposicións de Verín acolle as mostras “Arte y Fuego”, de Julio Pousada, e “Con otra mirada”, de Chema Manzano. Devandita exposición será inaugurada o propio día 6 de agosto ás 19:00 horas.

Unha vez rematados os primeiros encontros coa mocidade nos centros de ensino secundario da vila, e logo da análise pormenorizada das 293 enquisas recollidas no marco do programa Ocio Xuvenil 2016, esta mañá, o tenente de alcalde e concelleiro de Mocidade, Diego Lourenzo e o técnico responsable do proxecto, Roberto González Rodríguez, presentaron as propostas máis valoradas nas enquisas, organizadas por bloques, achegadas polas mozas e mozos da comarca de Verín en canto a suxestións de mellora no concello enfocadas a dinamizar o tempo de lecer da mocidade verinesa. No marco deste tipo de iniciativas, o  Concello de Verín, en colaboración coa Deputación provincial de Ourense e AEVER (Asociación de Empresarios e Empresarias de Verín), organiza o primeiro concurso fotográfico xuvenil @estouenverin.