Concello de Verín

Hoxe, martes 6 de setembro, presentouse na sede da Asociación de Comerciantes de Verín (AEVER) a “Pasarela Verín de moda 2016” que se celebrará o día 24 de setembro, as 19:30 horas, no Pavillón Municipal de Deportes. Esta iniciativa súmase os actos que se reparten ó longo do ano para promover o atractivo turístico, cultural e comercial de Verín. O evento está organizado por AEVER coa colaboración do Concello de Verín, a Xunta de Galicia e a Deputación de Ourense.

Desde o Concello de Verín informamos da seguinte ALERTA METEOROLÓXICA

O alcalde de Verín, Gerardo Seoane, asinou esta maña un convenio de colaboración coa diocese de Ourense para realizar un concurso de ideas (enfocado a arquitectos), co obxecto de reordenar a contorna da Igrexa Santa. María a Maior de Verín, que dotará a vila dunha nova praza de, aproximadamente, 2500 metros cadrados, similar en dimensións a Praza García Barbón. O concurso de ideas, que se convocará nun breve período de tempo, outorgará un premio de 15.000 euros ao proxecto gañador e dous accésits de 5000 euros cada un.

Esta mañá, o tenente de alcalde, Diego Lourenzo Moura, e o Director de Adiccag  (Asociación para a Divulgación da Cultura da Cervexa Artesá), Pablo Casanova, presentaron, na casa consistorial, o programa do II Festival da Cervexa Artesá e de Artesanía Medieval, organizado por Adiccag e o Concello, que se celebrará en Verín os días 9, 10 e 11 de setembro.

O Concello de Verín procedeu a executar a derriba de dous inmobles situados no número 15 da Estrada de Laza. Esta actuación permitirá o inicio das obras de reforma deste importante viario que dá acceso ó Hospital de Verín, e é un dos máis transitados da Vila. Esta obra forma parte de la terceira Fase do Plan de Rehumanización elaborado polo Concello de Verín -que consiste no acondicionamento, reordenación de aparcamento e asfaltado da Estrada de Laza-  que se desenvovelverá en colaboración coa Xunta de Galicia e que terá importantes implicacións na mobilidade do tránsito peonil e rodado en Verín.