Concello de Verín

GERARDO SEOANE FIDALGO, Alcalde do Ilustrísimo Concello de Verín (Ourense), FAGO SABER:

 Que o venres 29 de xullo, con motivo da celebración das actividades acuáticas que se desenvolverán na praia fluvial enmarcadas dentro da festividade da Batucada 2016, queda prohibido tirarse dende a pasarela do río Támega situada na zona mencionada en horario de 16:00 horas a 20:00 horas.

GERARDO SEOANE FIDALGO, Alcalde do Ilustrísimo Concello de Verín (Ourense), FAGO SABER:

Que o sábado 30 de xullo, con motivo da celebración do Desfile da festividade da Batucada 2016, as seguintes rúa permanecerán cortadas ao tráfico rodado en horario de 19:00 a 21:00 horas:

O vindeiro xoves 28, na Praza dá Mercé de Verín, arrincará a última etapa da aposta do Concello e a Mancomunidade de Monterrei polo retorno do cinema á vila, logo de case tres lustros de que botase o cadeado o último cinema comercial. Neste caso, trátase de cinema ao aire libre, que rotará por todos os municipios da comarca, cos títulos Del Revés e Jurassic World, nas prazas e localizacións que sinale cada concello.

A partir de maña, e ata finais de setembro, o  Auditorio Municipal de Verín acollerá a exposición ”Verín, o ferrocarril soñado” de Alberte Blanco Casal. Sobre os soños de homes adiantados ao seu tempo, como André, Eduardo Chao ou Gallego Bazal vai esta exposición, baseada no traballo de investigación “O conflito de intereses no camiño de ferro de Zamora a Ourense”, editado pola Deputación de Ourense en 2015, e do que é autor o profesor Alberte Blanco Casal.

A Feira do Viño da Denominación de Orixe Monterrei, que se celebrará en Verín entre os próximos 12 e 14 de agosto, contará coa participación de 16 das 24 adegas que conforman a D.O, idéntico número que en 2014. Esta cifra evidencia, segundo destacou a presidenta do Consello Regulador da D.O Monterrei, Asunción Rodríguez Zarraquiños, nunha rolda de prensa celebrada esta mañá no Concello de Verín que "o interese dos adegueiros da comarca por tomar parte na iniciativa consolídase". Na súa intervención, Asunción Rodríguez aproveitou, ademais, para agradecer a todas as adegas participantes a súa implicación na XI edición da Feira, cuxo acto de inauguración terá lugar na Alameda de Verín o próximo 12 de agosto a partir das 20,00 horas.