Concello de Verín

O día 3 de marzo, Xoves de Comadres, os máis distinguidos personaxes e autoridades do panorama nacional acercaranse a pregoar a cita festiva máis importante de Verín, farano en voz de Xacobe Pérez e Moisés Morales, membros do programa radiofónico e agora televisivo “Corre Carmela que Chove” de V Televisión.

Do 1 ao 6 de marzo, la empresa Gourmet La Toja SLU organiza as I Xornadas Culturais, Gastronómicas e Artesanas da Federación de Asociacións Galegas na Comunidade de Madrid (Fagama), onde será protagonista o Entroido de Verín, coincidindo as datas da súa realización coas da festa máis tradicional e participativa do municipio.

O sábado 26 de febreiro, o Pavillón Municipal de Deportes de Verín acollerá o Campionato Galego de Kickboxing 2011, organizado pola Delegación Galega Oficial de Kickboxing, Deporte Galego, Consejo Superior de Deportes, Concello de Verín, Deputación de Ourense, Fundación Cipri Gomes, Centro Deportivo Arco, Cabreiroá, Hortoverin S.L., Ruta do Viño Monterrei, Aever e Centro Comercial Aberto.

A Casa da Cultura acollerá o vindeiro sábado 19 de febreiro, ás 17 horas, o coloquio ‘Tradicións do Entroido’, organizada por o Fórum Galaico-Transmontano e a Asociación O Cigarrón de Verín.

O Proxecto de Educación e Seguridade Viaria da Eurocidade Chaves-Verín, galardoado nos ‘Premios de Excelencia en Seguridade Viaria’ da Comisión Europea, foi incluído no ‘Catálogo de Experiencias en Seguridade Viaria Urbana en España’, realizado polo Ministerio de Interior a través da Dirección General de Tráfico.