Concello de Verín

O Concello de Verín incorpora como importante novidade na programación do Entroido 2026 o Xantar do Capuchón, que se celebrará o sábado 7 de febreiro e que nace co obxectivo de potenciar a convivencia, a participación veciñal e o Entroido vivido durante o día, tomando como elemento central a figura tradicional do Capuchón.

O Concello de Verín celebrou esta mañá a Xunta Local de Seguridade ordinaria, na que se abordou a coordinación do dispositivo especial de seguridade para o Entroido 2026, coa participación das distintas administracións e corpos implicados.

O Concello de Verín presentou esta mañá en rolda de prensa, xunto coa Asociación de Sendeiristas Ruta das Augas, a recuperación da Carreira Pozo do Demo, unha proba histórica do calendario deportivo verinés que regresará o vindeiro 29 de marzo tras varios anos sen celebrarse, interrompida desde antes da pandemia.

O Concello de Verín presentou a programación do Entroido 2026, unha edición que aposta con forza por unha celebración vivida nas rúas durante o día, a participación popular, a recuperación das figuras tradicionais e o compoñente gastronómico propio destes tradicionais festexos, incorporando como principal novidade o Xantar do Capuchón, unha iniciativa pensada para poñer en valor unha das figuras máis identitarias da festa.

O Concello de Verín abre o prazo de inscrición para as carrozas e comparsas que desexen participar no desfile do Entroido deste ano. A data límite para formalizar a participación será o venres 6 de febreiro, ás 18:00 horas.