Concello de Verín

Co fin de empoderar á mocidade da Eurocidade Chaves-Verín, os próximos 25 e 26 de outubro, a Fundación Galicia Europa organiza dous eventos no marco do “Laboratorio de Innovación”, un espazo deseñado para asesorar e mentorizar a mozos na exploración das oportunidades que o seu entorno ofrece nos ámbitos do patrimonio, o audiovisual, o deporte e o turismo. Con un enfoque na colaboración transfronteiriza, esta iniciativa busca conectar á mocidade con outros colaboradores europeos, ampliando os seus horizontes e fomentando a creatividade.

Verín, 10 de outubro de 2024. O Salón de Plenos do Concello de Verín acolleu esta mañá unha sesión extraordinaria urxente na que se abordaron os seguintes puntos:

1. Aprobación da acta da sesión anterior

2. Expediente 3596/2024. Operación de tesorería a curto prazo 1/2024

O vindeiro luns, 14 de outubro, ás 10:00 horas, o Salón de Actos do Concello de Verín acollerá unha charla informativa dirixida ás persoas maiores, organizada pola Garda Civil en colaboración co departamento de Benestar Social do Concello de Verín e o programa "Cara a conquista do Benestar" do Voluntariado Sénior.

O Concello de Verín informa que a Dirección Xeral de Emerxencias e Interior da Xunta de Galicia, a través do 112 Galicia, decretou unha Alerta Laranxa para toda a comunidade autónoma debido a un fenómeno meteorolóxico adverso, con previsión de fortes choivas e ventos intensos.

Os vindeiros días 11 e 12 de outubro, o Concello celebrará a IV edición da Festa da Cervexa de Verín. Será un evento centrado nesta popular bebida que contará con máis dunha vintena de variedades de cervexas nacionais e de importación, e que se complementará con varios stands que ofertarán una variada selección gastronómica, actuacións musicais de primeiro nivel e animación infantil. Así o confirmaron esta mañá Manuel Lorenzo Feijoó, concelleiro de Feiras, Transporte e Xuventude e Samanta Barreira Vivián, concelleira de Cultura, Festexos, Turismo e Conservatorio.