Concello de Verín

Na xornada de mañá 6 de agosto, a partir das 20.30 horas, Alberto Núñez Feijóo, presidente da Xunta de Galicia acudirá a Verín para inaugurar a sexta edición da Feira do Viño de Monterrei,  organizada polo Consello Regulador da Denominación de Orixe Monterrei e o Concello de Verín.

Un total de 150 nenos/as da Ludoteca Municipal, organizada durante os meses de verán polo Concello de Verín, visitan durante estas semanas as instalacións da Biblioteca Pública de Verín e a exposición 'Querido Balbino: 1961-2011. Cincuenta anos de Memorias dun neno labrego', organizada pola Consellería de Cultura e Turismo coa colaboración da Secretaría Xeral de Política Lingüística, a Dirección Xeral de Desenvolvemento Rural e a Deputación de Pontevedra.

Desde Desenvolvemento Local do Concello de Verín infórmase da publicación dos modelos oficiais de declaración responsable e comunicación de datos ao Rexistro Galego de Comercio.

Do 12 ao 15 de agosto, o Complexo Deportivo A Granxa acollerá a celebración do I Torneo de Pádel de Verán 'Vila de Verín', organizado polo Concello de Verín e a Asociación de Empresarios de Verín.

Desde o 20 de agosto ao 11 de setembro, a Asociación de concellos das comarcas Monterrei e Conso Frieiras para o plan de competitividade turística e a Asociación de Empresarios de Turismo e Hostalería Portas de Galicia desenvolverán actuacións promocionais, de marketing e  comercialización no marco da Volta Ciclista a España, na que Verín será sede de inicio da etapa do día 31 de agosto.