Concello de Verín

Durante a xornada de mañá 23 de agosto, de 10 a 14 e de 16.30 a 20.30 horas, o Banco Municipal de Roupa e Alimentos instalarase na rúa Lisa de Verín co obxecto de vender produtos artesanais, realizados a man, cuxa recadación se destinará á compra de alimentos que serán repartidos por devandito servizo.

A Asociación de concellos das comarcas Monterrei e Conso Frieiras para o plan de competitividade turística e a Asociación de Empresarios de Turismo e Hostalería Portas de Galicia editou dous folletos promocionais sobre obxectivos, actores e produtos autóctonos do mesmo, que serán divulgados durante a Volta Ciclista España, que terá lugar do 20 de agosto (Benidorm) ao 11 de setembro (Madrid).

Os/As nenos/as da Ludoteca Municipal participarán o día 23 de agosto, de 12.30 a 13.30 horas, na campaña ‘Ponlle as pilas ao teu bocata’, organizada pola Xunta de Galicia, e á que o Concello de Verín adheriuse co obxecto de fomentar os hábitos saudables.

A Biblioteca Pública Municipal de Verín amplía ata o 22 de agosto o prazo de exposición de 'Querido Balbino: 1961-2011. Cincuenta anos de Memorias dun neno labrego', un percorrido pola vida e obra de Xosé Neira Vilas, organizada pola Consellería de Cultura e Turismo coa colaboración da Secretaría Xeral de Política Lingüística, a Dirección Xeral de Desenvolvemento Rural e a Deputación de Pontevedra.

Os equipos Ivori-Blanco, Monterrei e Socitransa lograron os tres primeiros postos da terceira edición do Campionato de Fútbol 3 x 3, organizado pola área de Mocidade, Deporte e Festexos do Concello de Verín, coa colaboración de Espina & Delfín.