Concello de Verín

O vindeiro sábado 3 de xuño, ás 12:00 h, o Salón de Actos da Casa da Cultura de Verín acolle a presentación do libro de poesía “Y a pesar de todo, Ellas siempre cantan” de Artur Afonso Novelhe. A presentación desta obra lírica correrá a cargo de Edelmiro Mateo.

O Concello de Verín vén de rematar as obras de mellora de camiños municipais de acceso a parcelas agrícolas no camiño de Vello de Monterrei e nas Tapias, actuación acometidas grazas ao importe subvencionable previsto no "Plan de mellora de camiños municipais de acceso a parcelas agrícolas 2022-2023” da Axencia Galega de Desenvolvemento Rural (AGADER).

“Artista integral, cunha especial paixón pola pintura e pola escultura, e firme defensor dos animais e dos seus dereitos”. Deste xeito defínese a si mesmo o verinés Alex Araújo Álvarez, de 29 anos, creador ao que este ano a organización do FIC Vía XIV encargou a elaboración da peza que recoñecerá ao director ou directora en quen recaia o Premio Especial do Público. Trátase do galardón que se entrega á curta mellor valorada polos asistentes ao festival a través das súas puntuacións, polo que “posúe un gran valor simbólico”, relata Carlos Montero, director do certame.

Os días 26, 27 e 28 de maio, o Cinema Municipal de Verín acolle a proxección da película ·Fast & Furious X" no Salón de Actos da Casa da Cultura nos seguintes pases:

Dende a área de Mocidade do Concello de Verín organízase o programa deportivo "Escola de Verán 2023" (Convive en Igualdade) e infórmase que a partir de hoxe martes, 23 de maio, ábrese o  prazo de inscrición formal. A Escola Deportiva de Verán é unha iniciativa lúdico-deportiva que xa cumpre a súa 25ª edición e que está ideada para nenos e nenas nados entre o 2009 e o 2019.