Concello de Verín

A Casa da Cultura de Verín acolleu esta mañá un anuncio histórico para a vila. O alcalde, Gerardo Seoane, e o empresario luso José de Sousa Cintra, propietario de Fontenova, anunciaron a próxima reapertura da icónica planta de embotellamento, para o que a factoría recibirá unha inversión de sete millóns de euros, construirá unha nova planta e renovará toda a súa maquinaria de embotellado. O empresario agradeceu a intensa aposta do goberno local pola recuperación e reordenación da zona, “que nos convenceu de cumprir o soño de voltar a posicionar a Fontenova como unha das grandes augas minerais de Europa”.

O  Concello de Verín impartirá un curso oficial,  gratuíto para  desempregados, de socorrismo en instalacións acuáticas.O mesmo terá lugar desde o 28 de xaneiro ata o 25 maio, en horario de 16:00 a 21:00 horas.

Esta mañá presentouse en rolda de prensa o cartel do Entroido de Verín 2025, unha obra que reflicte a autenticidade e as raíces dunha das celebracións máis emblemáticas de Galicia. O acto contou coa participación de Samanta Barreira, concelleira de Cultura, Turismo e Festexos, e do artista local Álex Araújo, creador do cartel, coñecido artísticamente como "axtriplicado".

Co obxectivo de garantir a seguridade e o desfrute de toda a veciñanza, o Concello de Verín anuncia que a tradicional Cabalgata de Reis se celebrará este sábado, día 4 de xaneiro, en lugar do domingo inicialmente previsto. Esta decisión foi adoptada debido ás previsións meteorolóxicas adversas.

O Salón de Plenos do Concello de Verín acolleu esta mañá unha sesión extraordinaria na que se abordaron os seguintes puntos:

1. 1. Aprobación da acta da sesión anterior
2. 2. Expediente 3644/2024. FIXACIÓN FESTAS LOCAIS 2025: o 17 de xaneiro (San Antón) e o 5 demarzo (mércores de cinsa)
3. 3. Expediente 5865/2024. CONVENIO de planeamento e desenvolvemento do entorno da Igrexade Santa María a Maior coa Diócesis de Ourense para ser incluído no Plan Especial de Protección e Reforma Interior do Casco Histórico de Verín
4. 4. Expediente 5791/2024. Subvencións Directas ou Nominativas: ESCOLAS DEPORTIVAS
5. 5. Expediente 5794/2024. Subvencións Directas ou Nominativas: FIC VERÍN