A Casa da Cultura de Verín acollerá mañá 24 de novembro, a partir das 19 horas, o tradicional concerto de Santa Icía do alumnado do Conservatorio Elemental de Música de Verín.
O fotógrafo Jose Romay gaña o concurso ‘Imaxes con Fondo’ cunha serie da inmigración en El Ejido
Xoves, 22 Novembro 2012 14:38
O fotógrafo Jose Romay vén de gañar o concurso de fotografía ‘Imaxes con Fondo’, promovido polo Fondo Galego de Cooperación e Solidariedade. Unha serie tirada nunha zona de invernadoiros onde traballan e viven inmigrantes en El Ejido (Almería) mereceulle a este profesional, veciño de Meis, unha viaxe a Cabo Verde para realizar un traballo fotográfico sobre algún dos proxectos apoiados pola entidade organizadora. O mozo de 15 anos Xiao Aller, da Estrada, venceu na categoría xuvenil co retrato dun burro agredido. O premio é unha cámara réflex e un lote de produtos de comercio xusto.
Obradoiro 'Defensa persoal para mulleres' en Verín
Martes, 20 Novembro 2012 14:28
Coincidindo coa conmemoración do Día Internacional contra a violencia de xénero, a área de Deportes do Concello de Verín e Cruz Vermella Monterrei programan a realización do obradoiro 'Defensa persoal para mulleres'.
Vinte menores participan na iniciativa 'Kero-Kolo' de Verín
Martes, 20 Novembro 2012 14:26
Un total de vinte menores, acompañados das súas nais ou pais, participaron hoxe na xornada inaugural da iniciativa 'Kero-kolo', organizada polo departamento de Educación Familiar do Concello de Verín.
'Contos dos peixes de cores' na Biblioteca de Verín
Luns, 19 Novembro 2012 14:06
O vindeiro venres 23 de novembro, de 18 a 19.30 horas, a Biblioteca Pública Municipal de Verín programa a iniciativa 'Contos dos peixes de cores', no marco da programación de actividades destinadas ao fomento da lectura e dinamización da instalación municipal.
