Concello de Verín

Mañá venres, ás 19 horas, a Casa da Cultura de Verín acollerá a Gala Músico-Literaria das Letras Galegas. No acto, organizado polo Concello de Verín coa colaboración de Gadis, actuará o Grupo Instrumental do Conservatorio Elemental de Música de Verín e leranse os traballos gañadores das diferentes modalidades nas que se organizan o Certame de Relato Curto Antonio Fernández Pérez e o Certame de Poesía Xosé Carlos Caneiro Pérez.

Ponse en coñecemento de todos/as os/as propietarios afectados/as pola concentración parcelaria da zona de Cabreiroá, que a Consellería de Medio Rural e do Mar, nos días sinalados neste aviso, procederá á entrega oficial dos títulos de propiedade.

Que todas as persoas con propiedades lindeiras con camiños públicos e, con motivo de realizar labras do terreo, se absteñan de desfacer as gabias existentes nos camiños, especialmente as correspondentes aos da concentración parcelaria.