Verín aforra un 60% no subministro eléctrico grazas o investimento da Xunta en materia enerxética
Luns, 08 Abril 2013 19:05
O conselleiro de Economía e Industria, Francisco Conde, visitou hoxe Verín para amosar a importancia de promover accións de aforro e eficiencia enerxética dos municipios galegos, que supoñen importantes aforros no custo da factura contribuíndo á mellora da súa situación financeira, e apuntar que o goberno autonómico leva investidos en Verín máis de 260.000 euros a través do programa de axudas para Iluminación Pública Exterior e do Fondo de Compensación Ambiental, o que lle permite acadar “aforros económicos e enerxéticos superiores ao 60% nas zonas beneficiadas”.
O PCT Puertas de Galicia catalogou 36 lagares rupestres en Monterrei, converténdose na comarca galega que posúe a maior densidade de exemplares
Venres, 05 Abril 2013 11:50
O Plan de Competitividade Turísticas Puertas de Galicia finalizou os traballos de catalogación dos lagares rupestres da comarca de Monterrei sumando, ata o momento, un total de 36 entre os municipios de Cualedro (seis), Monterrei (nove), Verín (seis) e Oimbra (quince).
Enxeñería sen Fronteiras e o Fondo Galego apoian a planificación do acceso á auga en Honduras
Mércores, 03 Abril 2013 11:50
O Fondo Galego de Cooperación e Solidariedade cofinancia con 18.200 o proxecto da ONGD Enxeñería sen Fronteiras para planificar o acceso á auga e ao saneamento na comunidade de Monjarás, no municipio hondureño de Marcovia. O obxectivo da intervención é mellorar a calidade de vida das e dos 8.268 habitantes da localidade mediante un emprego sostible dos recursos. Para logralo fortaleceranse as capacidades do persoal técnico da Alcaldía co fin de elaborar un Plan de Xestión Integral do Recurso Hídrico para Monjarás.
‘Día Internacional do Libro Infantil e Xuvenil’ na Biblioteca de Verín
Mércores, 27 Marzo 2013 10:15
O vindeiro martes 2 de abril, de 18 a 19.30 horas, a Biblioteca Pública Municipal de Verín programa a conmemoración do Día Internacional do Libro Infantil e Xuvenil, no marco da programación de actividades destinadas ao fomento da lectura e dinamización da instalación municipal.
Durante o vindeiro mes de abril a aula Multimedia do Concello de Verín ofertará doce novos cursos formativos para os/as usuarios/as interesados en ampliar os seus coñecementos no sector da comunicación e novas tecnoloxías.