Concello de Verín

O Salón de Plenos do Concello de Verín acolleu esta mañá unha sesión ordinaria na que se abordaron os seguintes puntos:

1. - Aprobación, se procede, do borrador da acta de sesión extraordinaria de data 20.04.2010  (Acta nº 3/2010).
2. – Orzamento Xeral Municipal 2010.
3. -  Modificación número 1/2010 da Relación de Postos de Traballo.
4. – Modificación da ordenanza municipal reguladora de prestación do servizo de axuda no fogar.
5. – Dar conta dos decretos ditados pola alcaldía e polas distintas concellarías delegadas, en materia de administración local, dende o 04.03.2010 até o 28.04.2010, ambas as dúas datas incluídas.
6. – Informacións e outros asuntos de presidencia.
7.- Rogos e preguntas.

Aprobáronse por unanimidade os puntos primeiro e cuarto, este último referente a supresión do apartado 8 do artigo 17 da Ordenanza municipal reguladora da prestación do servizo de axuda no fogar (SAF) no Concello de Verín, publicada no BOP de Ournese nº 43 de data 23 de febreiro de 2010, de forma que nos supostos de acceso ao servizo na modalidade de libre concorrencia, a determinación da capacidade económica das persoas usuarias realizarase tendo en conta a súa renda persoal.

En relación co Orzamento Xeral Municipal 2010, a Memoria de Alcaldía, explicativa do contido e das principias modificacións que presenta en relación co orzamento vixente, atópase dividida nos seguintes capítulos:

- Primeiro. Orzamento Xeral para o exercicio 2010.

O importe do Orzamento Xeral Municipal elaborado para o exercicio 2010 ascende á cantidade total de 10.117.840,94 €

- Segundo. Estado de ingresos.

Neste capítulo englóbanse:

- Impostos directos: impostos municipais sobre Bens Inmobles (diminución dun 1,61%), Actividades Económicas (caída dun 21,99%), Vehículos de Tracción Mecánica (crecemento dun 3,45%) e Incremento do Valor dos Terreos de Natureza Urbana (incremento de 1,09%.).

- Impostos indirectos: Imposto Municipal sobre Construcións, Instalacións e obras,  debido a difícil situación do mercado financeiro, e do sector inmobiliario e construtivo en particular, cunha redución do 14,12%.

- Taxas, prezos públicos e outros ingresos: prestación de servizos públicos ou realización de actividades administrativas de competencia local (no Conservatorio Elemental de Música -diminución 10.81%-, Escola Municipal de Artes e oficios -redución 2,05%-, Instalacións Deportivas Municipais -diminúe 2,65%-, Expedición de Licencias de Apertura de Establecementos -redúcese un 26,23%-), prestación do servizo público de saneamento e rede de sumidoiros -diminución de 5,56%), aproveitamento especial ou utilización privativa do dominio público local e outros ingresos, multas e sancións (multas de tráfico cunha reducción dun 31,51%, e de disciplina urbanística -diminución do 2,36%-).

- Transferencias correntes: participación nos ingresos do Estado (unha diminución do 3,57% con respecto ás previsións iniciais do exercicio anterior, en consonancia coa reducción xeral da partida orzamentaria contida nos Presupostos Xerais do Estado, que diminúe aproximadamente un 3,50%), Fondo de Cooperación Local, Plan Nacional concertado para a prestación de servizos sociais de atención primaria ou Plan Nacional de Vivenda 2007-2010. Este capítulo experimenta unha sensible redución da Participación nos Tributos do Estado e da Comunidade Autónoma, que se compensa con dous grandes proxectos deste goberno, como son o Proxecto Eurocidade Chaves-Verín, na súa anualidade do 2010, e o Obradoiro de Emprego Baronceli.

- Ingresos patrimoniais, alleamento de investimentos reais, transferencias de capital, e activos e pasivos financeiros. No capítulo Transferencias de Capital destacan, tamén, os compromisos de gasto e proxectos subvencionados plurianuais asumidos por este Concello, e entre os que se atopan o Proxecto e-Sol, e o de ampliación da piscina climatizada municipal.

- Terceiro. Estado de gastos.

No capítulo Gastos de Persoal establécese a necesaria actualización dos salarios e cotizacións sociais do persoal, no porcentaxe obrigado de 0,30%, pero o gasto diminúe con respecto ao ano 2009, xa que no total da partida orzamentaria destínase a este capítulo un 39,5% mentres que no ano 2009, a contía era de 41,21%. “Esta redución do 1,03% mostra o esforzo de contención do gasto e viabilidade administrativa efectuada polo Concello de Verín, un custe fixo moi importante para esta administración e que, en tempos de crise, debe ser obxecto dun control adecuado”, asegura o rexedor Juan Manuel Jiménez Morán.

O capítulo de Subministro de Bens Correntes e Servizos increméntase para destinar a maior parte do canon inicial, derivado da concesión dos servizos de abastecemento de auga potable e da rede de sumidoiros e saneamento, á atención da facturación pendente de exercicios anteriores (2004, 2005, 2006, 2007 -durante o anterior goberno tripartito- e 2008).

Mentres que no de Gastos Financeiros redúcese o gasto notablemente, ao igual que no de Transferencias Correntes, co fin de conter o gasto municipal -aínda que se incrementa no caso das achegas ao sector público, debido a achega para sufragar o custo do transporte da lixo durante o ano 2004, durante o anterior goberno tripartito, e que será atendido co canon inicial obtido pola concesión dos servizos de abastecemento de auga potable, rede de sumidoiros e saneamento-. “No ano 2004, aprobouse un Plan Económico-Financieiro de Estabilidade Orzamentaria, que obrigaba a este Concello, conforme aos pactos acordados no seu día, a un esforzo adicional, neste mandato, de reducción do endebedamento, na cuantía de de 206.440 euros”, recoñece Jiménez Morán. Polo tanto, engade “podemos dicir que, si as previsións deste orzamento se cumpren integramente, conseguirase devandita redución ao final do ano 2010, polo que, durante este mandato, o Goberno municipal conseguiu uns números de reducción do endebedamento, o que supón unha diminución da necesidade de acudir a diñeiro alleo, debido a que este Goberno conseguiu incrementar a capacidade de xerar recursos propios”.

Por outra banda, débese recordar que a 1 de xaneiro do ano 2007, o endebedamento municipal estaba situado na cifra de 4.660.255,45 euros, que supuña unha carga financeira global de 74,08%. Mentres que a 31 de decembro do 2010, o endebedamento municipal previsto, con este orzamento xeral, estará situado na cifra de 4.481.377,30 euros, que supón unha carga financieira global de 60,78%. Ademais, outros dos logros fiscais deste goberno municipal foi “non incrementar os tributos municipais e, especialmente, os impostos máis importantes, en cuanto a súa cuantía, para o cidadán”, matiza o alcalde. “A contención do esforzo fiscal foi necesaria nestes tempos de crise, para incrementar a capacidade de aforro familiar pero, tamén, era un dos obxectivos que se atopaba na folla de ruta deste goberno e, que ao final deste mandato, considerarase cumprido”, puntualiza. Este esforzo do Goberno municipal por controlar os tributos municipais, e evitar un incremento da presión fiscal foi a grande raíz da crise económica global, que “provocou unha caída de recursos importantes, nas arcas municipais, de ata o 90% no ICIO (Imposto de Construcións, Instalacións e Obras), o que supuxo a necesidade de estreitar o cinto de modo estrito”.

No capítulo de Inversións Reais inclúense todos os proxectos de gasto de inversión considerados necesarios por este goberno, “o que supón destinar o 19,04 do orzamento do 2010 a este capítulo”, afirma o alcalde, “mentres que o ano anterior foi de 13,18%”. “É decir que un de cada cinco euros dos veciños diríxese a creación de infraestruturas, moi necesarias, xa que son obras de reparación non de embelecemento”, asegura Jiménez Morán. As inversións que se van a desenvolver son as seguintes:

No capítulo de Transferencias de Capital  inclúense as aportacións comprometidas por outras entidades ou institucións, entre as que destaca a aportación da Secretaría Xeral para o Deporte para a ampliación da Piscina Climatizada.

 ESTADO DE INGRESOS:

 ESTADO DE GASTOS:

Segundo o rexedor, este é o mellor Orzamento que pode exporse nestes momentos de crise, e dadas as circunstancias para facer fronte as necesidades do Municipio, a través dunha política que leva a redución dos gastos e conxelación de impostos, para dar lugar a unha maior liquidez na economía familiar dos veciños. Ao existir unha redución de ingresos e dada a imposibilidade de déficit orzamentario, acompaña loxicamente unha restrición máxima do gasto, pero realizando unha reasignación de recursos acorde á situación económica actual, e dirixindo os recursos municipais na dirección apropiada para suavizar os efectos da crise na medida en que a modestia das arcas municipais poida contribuír a iso, posto que, como sabemos, a tarefa fundamental nesta materia corresponderá sempre á Administración do Estado. En este sentido, a partida de gasto social incrementarase nun 17,65%. Este punto aprobouse cos votos a favor do grupo de goberno e o concelleiro de ADEI.O (en contra os restantes grupos municipais).

Por outra banda, durante a sesión plenaria tamén se aprobou, cos votos a favor do grupo de goberno (en contra BNG e abstención de PSdeG-PSOE, VER.IN e ADEI.O), a  modificación núm 1/2010 da Relación de Postos de Traballo deste concello no seguinte sentido: clasificar e integrar a tódolos funcionarios de carreira nos novos grupos definidos no artido 76 da Lei 7/2007, de 12 de abril, do Estatuto Básico do Empregado Público; e clasificar e integrar a tódolos funcionarios da Policía Local nas novas escalas e categorías recollidas no artigo 24 da Lei 4/2007, de 20 de abril, de Cordinación de Policías Locais.

Na quenda de rogos e preguntas só interveu o portavoz do PSdeG-PSOE, Emilio González Afonso.