Concello de Verín

O Concello de Verín celebrará a súa tradicional Feira de Nadal os días 6, 7 e 8 de decembro na Praza García Barbón, cunha ampla programación que incluirá  33 expositores de artesanía e alimentación, actividades infantís e animación musical para crear o ambiente perfecto destas festas. O evento foi presentado polos concelleiros Manuel Lorenzo Feijóo, responsable de Transportes, Feiras e Hostalería, e Samanta Barreira, encargada de Turismo, Cultura e Festexos e Conservatorio.

Os visitantes poderán gozar dunha variada selección de produtos de artesanía e alimentación ofrecidos polos 33 expositores confirmados, que inclúen: 7 Mestres artesáns con recoñecida experiencia, 19 postos de artesanía e talleres,  expositores de produtos de alimentación, así como a participación de asociacións locais e colexios, que estarán presentes con stands solidarios e educativos.

Desde o punto de vista da procedencia dos seus participantes, a Feira de Nadal de Verín será este ano un reflexo de riqueza e diversidade, con 13 expositores locais de Verín e 6 da comarca, que se complementan coa participación doutros recunchos de Ourense (5), distintas zonas de Galicia (6), e incluso expositores internacionais de Chaves (Portugal) e Castela e León, convertendo o evento nun auténtico crisol de tradicións e sabores.

Un programa para gozar en familia
A programación está deseñada para ofrecer actividades pensadas para todos os públicos, con especial atención aos máis pequenos da casa. Todos os días, entre as 16:30 e as 19:00 horas, haberá actividades como:

Venres 6 de decembro: obradoiro de Doces de Nadal, onde a cativada poderá crear galletas con formas temáticas

Sábado 7 de decembro: desfrutaremos dunha tarde máxica con Papá Noel, quen estará dispoñible para recoller cartas e sacarse fotos. Ademais, organizaranse talleres para redactar e decorar cartas e manualidades con materiais reciclados.

Domingo 8 de decembro: gozaremos dun amena xornada con obradoiros  como "O boneco de neve váiselle a pinza" e a creación de postais viaxeiras.

A animación musical será un dos grandes atractivos da Feira de Nadal de Verín, con actuacións en directo que acompañarán a programación ao longo da fin de semana: o sábado 7 de decembro, ás 12:00 horas, a Coral de Verín (Amigos da Música( ofrecerá unha actuación especial; e o domingo 8 de decembro, tamén ás 12:00 horas, o espectáculo musical familiar “Aldeas de Nadal” da compañía de Nelson Quinteiro poñerá o broche musical a esta edición.

Como de costume, o evento rematará cunha entrega de premios ao mellor stand da feira e un sorteo dunha Cesta de Nadal con produtos dos expositores, que terá lugar o domingo 8 de decembro, ás 19:45 horas, antes do peche do recinto feiral.

A Feira de Nadal de Verín convértese un ano máis nunha cita imprescindible para todos aqueles que desexen mergullarse no espírito do Nadal, combinando tradición, diversión e oportunidades para atopar agasallos únicos.

Lista de stands participantes

• VERA CUCHILLERÍA
  Coitelería artesanal.

• PAULINHA D’ARZOÁ-PINTURA
  Ilustracións de acuarela, cuncas, bolsas e ornamentos de deseño propio.

• @ilustrandoconbel
  Produtos de papelería: láminas, marcapáxinas feitos a man, macetas, coxíns pintados, adornos de Nadal feitos con macramé e madeira, cestas.

• RINCÓN MÁGICO DE ÉPONA
  Artesanía natural reciclada inspirada na natureza con temática de Nadal.

• TRAPALLADAS ARTESANÍA
  Artesanía en coiro.

• MAREARTE
  Artesanía en coiro.

• GOFRES Y CREPES
  Gofres, crepes, canciños quentes e galletas de Nadal.

• MAGARI CLAY
  Xoias de arxila polimérica.

• MAIS DUN RECORDO
  Decoracións, agasallos de Nadal e pezas personalizadas.
  
  
• EMBUTIDO PALAZUELO
  Embutidos de León e queixos artesanais.
• 
  LAS COSITAS DE SUSY
  Produtos personalizados e traballos de ganchillo.
  
  
• DULCERÍA MORETA
  Garrapiñadas, palomitas, algodón de azucre, mazás de caramelo.
• LAS COSAS DE MI MADRE
  Bolsos e xogos tradicionais.
  
  
• ÉRASE UNHA VEZ…
  Xoguetes de madeira.
  
  
• COMO PEZ EN EL AGUA
  Xoiería artesanal con esmaltes ao lume sobre prata e cobre, inspirada na natureza de Galicia, roupa de bebé pintada a man e culleriñas de resina polimérica.
  
  
• LAS COSAS DE KATUXA
  Artesanía: produtos en resina epoxi, crochet, flores secas e decoración de Nadal.
  
  
• LA LUNA DE LOS SUEÑOS
  Manualidades, produtos reciclados, bixutaría con resina epoxi.
• MARIOLI
  Agasallos, cadros e artesanía.
  
  
• IES XESÚS TABOADA CHIVITE
  Stand educativo: produtos para recadar fondos para a viaxe de fin de curso (castañas, chocolate quente, galletas, filloas e postais de Nadal).
  
  
• ASOCIACIÓN MIQUIÑOS
  Stand asociativo con produtos de merchandising.
  
  
• DFIELTRO
  Decoración natalicia e detalles: broches, bonecas e complementos.
  
  
• SABORES TEIXEIRA
  Artesanía: cestas, mel, pole.
  
  
• EDUCACIÓN SECUNDARIA GARCÍA BARBÓN
  Stand educativo: velas, xabóns e outros produtos elaborados polo alumnado do ciclo de aceite e viños.
  
  
• ARIANRHOD ARTESANÍA
  Produtos de Nadal, sacos térmicos e complementos.
  
  
• MANUALIDADES SANALEJO
  Artesanía: figuras navideñas.
  
  
• D ROSITAS
  Escultura e xoiería feitas con libros rotos e reciclados.
  
  
• ARTESANÍA MARIA NUNES
  Artesanía téxtil: panos.
  
  
• O RECUNCHO DE CRIS
  Adornos de Nadal.
  
  
• MAVER GOURMET
  Turróns artesanais, produtos de alimentación navideños e cestas.

• LUCIÉRNAGA
  Produtos feitos a man de pel e coiro: bolsos, mochilas, carteiras, pendentes, colares.
  
  
• MY GREENIES STORE
  Floricultura: suculentas en vasos de cerámica pintados a man.
  
  
• COUSAS PERSONALIZADAS
  Produtos personalizados: tazas, velas, adornos de Nadal, xogos e regalos.
  
  
• AMORA (Artesanía en lá e papel) Encadernación artesanal: cadernos, axendas con deseño propio, diarios de gratitude. Bordado: bastidores, bolsas totebags, neceseres, etc.