Concello de Verín

O Concello de Verín informa que a Dirección Xeral de Emerxencias e Interior da Xunta de Galicia, a través do 112 Galicia, decretou unha Alerta Laranxa para toda a comunidade autónoma debido a un fenómeno meteorolóxico adverso, con previsión de fortes choivas e ventos intensos.

Segundo os datos facilitados polos servizos meteorolóxicos, este episodio de mal tempo afectará á comarca de Verín do seguinte xeito:

Data de inicio: Mércores, 9 de outubro de 2024
Choivas intensas: A partir das 00:00 horas
Ventos fortes: Refachos de ata 100 km/h a partir das 08:00 horas

Ante estas previsións, o Concello de Verín tomará as seguintes medidas preventivas para garantir a seguridade da cidadanía:

Peche de accesos a parques e xardíns: Dende esta noite e ata que remate a situación de alerta, os espazos públicos como parques e xardíns estarán pechados ao público.

Recomendacións á poboación: Solicitamos á veciñanza que extreme as precaucións, evite desprazamentos innecesarios e permaneza atenta ás actualizacións meteorolóxicas, así como ás indicacións das autoridades.

Desde o Concello de Verín, recordamos a importancia de seguir as recomendacións dos servizos de emerxencia e manterse informados a través dos medios oficiais. O 112 Galicia está dispoñible para atender calquera incidencia relacionada con este fenómeno meteorolóxico.